Pa uterenb’exik ri jun b’iw ub’ixik utzijol jun alaj ali xk’am b’i kumal nik’aj b’anol k’ax ri tajin xkitoq’ij Q.500 mil chi rij rech kakitzoqopij uloq, are wa’ xk’ulmataj chi la’ Jalapa, rumal ri’ eri reqa’lenel ri Comando Antisecuestros rech ri Wokajil Ajchajil Tinamit (PNC), xkimaj ri b’anoj tzukunem chi rij, xuquje’ xeto’n chi ke ri rachalalil, rumal ri’ xekowin che resaxik uloq pa kiq’ab’ nik’aj b’anol k’ax ri’.
Eri jun ixoq ub’i’ Ilsia Ester Avila Enríquez 28 ujunab’, xchapatajik aretaq xopan che uk’amik jun pisoj k’o pwaq chi upam b’anom che rech katzoqopix loq ri jun alaj ali k’amom b’i.
Ruk’ ri jun ixoq ri xchapataj uloq xriqitaj ri’ le jun ch’a’wib’al ri xkoj pa ch’a’winik xb’an chi rij utzoqopixik loq ri jun alaj ali xuquje’ ruk’ ri pwaqil rech tojb’al chi rij ri’. Eri jun ixoq xchapataj ri’ xk’am b’i pa q’atb’altzij chi rij ri b’anoj k’ax ri’.