Eri tzukunelab’ ri División Nacinal rech Q’atel taq Pandillas (DIPANDA), xkichap uloq jun achi b’anol k’ax ub’i’ Edwin Andrade Herrera Paz, q’ab’em ub’i’ «El Sargento» 30 ujunab’, pa le nimab’e rech pa le colonia Villa Juárez, Lo de Carranza, San Juan Sacatepéquez, ri’.
Pa jun nim tzukunem x’antaj kumal rajtzukunel chajin tinamit ri’ xkil panoq jun a Herrera Paz xel uloq pa jun callejón reqam jun koxtar ri’ aretaq xeril k’ut ri puqchajinel chi la’ xraj xranij rib’ xraj xumin rib’ pa jun ja k’olib’al, man xkowin ta k’ut xchapataj uloq.
Aretaq xchapatajik xsolik xriqtaj ruk’ wari’: keb’ raqarik k’aqb’alil xuquje’ ruk’ 36 ub’aq’ k’aqb’alil are kakikoj ri wokajil ajchajil tinamit ri’, jeri’ keb’ raqarik k’aqb’alil rech 9 milímetros xuquje’ ruk’ oxib’ k’olib’al ub’aq’ k’aqb’al xuquje’ ruk’ 40 ub’aq’ k’aqb’alil rech calibre 9 mm ruk’ oxib’ ub’aq’ k’aqb’alil calibre 38 especial, jun ub’aq’ k’aqb’alil calibre 22 milímetros xuquje’ waqib’ chik rech calibre 3.80 mm.
Eri Herrera are uwinaqil jun Mara 18, are kab’ixik ajilol rech ri kub’an ri jun molaj b’anol k’ax, ri kukol, kujach ri k’aqb’alil xuquje’ ri ub’aq’ k’aqb’alil rech ri jun molaj b’anol k’ax pa Mixco, Lo de Carranza xuquje’ pa Ciudad Quetzal, San Juan Sacatepéquez ri’.