Pa le Parque rech ri Industria k’o pa le zona 9 rech pa uk’u’x nimatinamit, xb’an pa 19 rech mayo ri b’ano’n Expoferia Vial 2023, are rech xutaqij uwa’lijsaxik uwach ri b’ano’n tijonem xuquje’ seguridad vial chi kech ri winaqilal. Eri b’ano’nem ri’ are xk’am ub’e kumal ri q’atb’al Tzij rech ri Ministerio rech Gobernación (Mingob) xuquje’ rumal ri Departamento rech Tránsito rech ri Wokajil Ajchjajil Tinamit (DRTPNC).
Eri taqawokajnel rech ri Ya’olchajinem pa Amaq’il xub’ij k’o jun nimalaj upatanib’al ri b’anoj pixb’anik chi kech ri winaqil chi rij taq ri q’alan ib’ xuquje’ rech kub’sib’al k’u’x pa taq nimab’e rech maj jun kuriq tane’ k’ax ri’, xuquje’ rech uq’atexik kuwach winaq rech kakisok ta kib’ xuquje’ kekam ta ri’ pa taq ri nimab’e rech pa rulewal qatinamit.
Eri ferias ri’ are kuq’alajisaj uwach ri eqele’n chak tajin ub’anik rumal ri K’amal B’e Iximulew ri’ rech kuya’ chi kech ri winaqil tinamit ri chakub’al rajwaxik rech pa utzilem kewa’katik xuquje’ rech kub’sib’al k’u’x ri keb’in wiri’, xuquje’ rech uq’atexik raqoj k’ax pa nimab’e, xcha’ ri Tercer Viceministro rech Q’alan ib’ rech ri Q’atenik B’anoj K’ax.
Rumal ri’ eri Taqanel rech ri DTPNC xub’ij che, are uwach ri Semana Mundial rech ri Seguridad Vial 2023 rumal ri’ sib’alaj tajin ub’anik ri puqchajinem pa jalajoj taq uwach rulewal qatinamit rech kepixb’exik ri winaqil chi rij upatanib’al utz ub’inisaxik ri ch’ich’ kab’anik rech maj riqoj k’ax pa taq ri nimab’e ri’.
Ri solinem xb’anik
Pa le helicópteros rech ri Unidad Aérea rech ri Ministerio rech Gobernación (Unagob) eri q’atb’al Tzij rech ri Taqawokajnem ri’ ruk’ ri Taqanel rech ri DTPNC xeb’e pa kaqiq’ cho kaj rech xakisolij ri ya’olchajinem q’atenik k’ax xb’an kumal ri wokaj ajchajinelab’ ri’ rech xtaqixik unimaxik ri utz wa’katem kab’an pa nimab’e ri’ xuquje’ rech k’o ri Taqanem rilik chi rij wari’.
Pa taq ri k’olib’al chajinem chi kech ri ch’ich’ keb’inisax pa taq ri nimab’e ri’, eri wokaj ajchajil tinamit, chi’ xkilo wi we ri winaqil keqam ri kiwujilal pa juntir, rech xkilo we man k’ot jun utiijom tzam ri’ xuquje’ we man qas kakirumumij ri kich’ich’ pa taq ri nimab’e. Xuquje’ eqam jun grúa ri’ rech ke’uk’am b’i ri ch’ich’ we xetulij chi’.