Ri ajpatanel pa tinamit xkib’an ya’ik uq’ij ri nimaq’ij rech ri utuke’lem utaqanik ri amaq’ tinamit.
Ruk’ b’anik nim uq’ijol, uq’ij ri amaq’il ri xkimol wi kib’ ri q’atb’al tzij kuk’ ri rajchak ri Ministerio rech Gobernación (MINGOB), kuk’ ri rajchajinelab’ ri Wokaj Ajchajil Tinamit (PNC) rech ya’ik nim uq’ijol ri Iximulew, pa b’anik unimaq’ij rech katz’aqat 205 ujunab’ utuke’lem rib’ pa utaqanib’al ri Amaq’ Tinamit,
Eri b’anow unimaq’ij ri amaq’il ri’ xnab’ejik che ub’anik rumal ri ministro rech Gobernación, Marco Antonio Villeda Sandoval, ri xub’ij che “ri uloq’axik ri Iximulew, are ruk’ unimaxik pa suk’ilal, nimab’al tzij xuquje’ ruk’ pa ronojel ub’anik ri’. Nim uq’ij b’a’ ri qatinamit Iximulew”.
Ri kokik ri Lamak Amaq’ pa le nab’e nimaja rech ri Wokom Rachoch ri Gobernación, ri Banda Marcial rech ri PNC xub’ixoj ri ub’ix Amaq’ Tinamit, are chi’ ri rajchak xkib’ixoj ri ub’ixob’al. Pa le nim moloj ib’, eri ajtijoxel rech comunicación social, Paula Jeréz, xnab’ejik rech xub’ij le tz’ub’am tzij che ri lamak amaq’il ri’.
Xya kiq’ij ri Retalil Amaq’
“Are chi’ k’o ri ulamak ri amaq’il, xub’ixoxik ri Nim ub’ix Amaq’ xuquje’ xb’an ub’ixik ri tz’ub’am tzij che ri lamak ri’ man xaq ta xb’an utz’ub’ixik utzij ri’, xane’ rech xna’tixik chi k’aslik ri uq’ijolaxik pawe ri qatinamit”, xcha’ ri Q’atb’al Tzij rech ri Taqon Chajinem pa Amaq’.
Eri nimatat Villeda Sandoval xuquje’ xub’an ub’ixik chi ke ri rajchak taqawokaj rech chakiya’o ri kanima’ ruk’ ri amaq’il, rech katerne’xik ri chak pa suk’ilal, nimanuk’ ronojel kanima’. “Eri 205 ujunab’ katz’aqat utukele’m rib’ pa utaqanib’al ri amaq’il ri’ kojutaq che ub’anik ruk’ ronojel utzilal, ri utzilaj qumal qonojel ri nimab’al ri’”, xcha’.
“Eri qanimab’al ri tinamit are kuya’o nim uq’ij ri jujun taq b’anow taqom ub’anik ruk’ uq’ijol nimanik ruk’ pa usaqil tzij; pa jujun taq ub’e’al taq ri chak kakub’isax ub’anik ri chajinem winaqil xuquje’ pa jujun taq rilonik ruk’ pa suk’il niman tzij xuquje’ ruk’ ronojel ri animaq’ unimaxik ri tinamit winaqil e’aj iximuelw ri ke’opan pa le nim rachoch taqawokaj ri’”, xcha’ ri q’atb’al tzij rech ri Taqon Chajinem pa Amaq’.