Eri K’amal B’e Amaq’ Bernardo Arévalo paq’ij kamik xe’ukoj che ri keqale’n rajpatan ri Coordinadora Nacional rech ri Q’atenik B’anoj K’ax pa Kachoch Winaq (Conaprevi), pa jun riqob’al ib’ xb’an pa le Nimrachoch Nimatinamit, ri k’o pa zona 1 rech uk’u’x nimatinamit. Eri riqb’al ib’ ri’ xk’am xnajb’ejsax ub’anik kumal ri Ministro de Gobernación, Francisco Jiménez; ri Viceministra rech Q’atenik B’anoj K’ax, Mayda De León; ri Viceministro Administrativo, Felipe Sánchez xuquje’ ri Secretaria Presidencial kech ri Ixoqib’, Ana Leticia Aguilar ri’.

Eri nimatat Arévalo xub’ij chi ke rajpatan ri Conaprevi rech chakinimaj b’a’ ub’anik keqale’n rech kakichomaj ri winaqil e aj iximulew, rech kakoj ri ch’ob’otal chak xuquje’ rech kab’an ri kilik kachomaxik ri ixoqib’, taq ala, taq ali xuquje’ e k’ajolab’ are chi’ keriqitaj pa k’axk’onem. “Rajwaxik b’a’ keqanimaj ruk’ ri b’anoj kachajixik ri jawinaqil, rech kab’an ri utzil chi kech ruk’ upatanexik ri cholchak; rech kaq’atexik ri b’anoj k’ax chi ke ri ixoqib’. Eri kachalal pa kachoch k’o upatanib’al rech kakiq’atij ri b’anoj k’ax ri’”, xcha’ ri nim k’amol b’e tinamit. Eri Ajtaqon Ya’olchajinem pa Amaq’ sib’alaj xub’ij: “rajwaxik kechajij ri winaqilal xuquje’ are la’ kaqachakuj ub’anik kuk’ ri wokajilal che ri kakichomaj ri jawinaqilal, ri kechoman pa rachoch tijob’al xuquje’ pa kawokajil ri winaqilal”.

 “Eri uj ajpatanelab’ rech taq ri wokajilal che ri xaqawok uwach ri Conaprevi uj ri’ rajwaxik kaqamol qib’, rech kaqachomaj nim rilik rech kekoj ri cholchak rech kub’an utzil chi ke ri’ e aj iximulew”, xcha’ ri Ministro Jiménez.