Pa jun nim riqon ib’ xb’an pa 28 rech febrero pa le Uk’olib’al Retal Ch’uch’uj Joremal rech ri Nim Wokom Nimrachoch Uk’u’x Amaq’, eri K’amal B’e Tinamit Bernardo Arévalo xuk’ut uwach ri Comisión Nacional rech Q’ateb’al ri Corrupción (CNC), Rech taqim ri k’amq’ab’ chakunem ruk’ ri Organismo Ejecutivo pa le uq’atexik ri b’anoj k’ax ri’. Are taqim uq’atexik ri jun b’anoj k’ax pa le taqawokajilal ri’, rech ub’anik utzilem pa tinamit winaqil ri’.
Pa le tzijob’enik ri’, eri k’amal b’e tinamit sib’alaj xuya ub’ixik eri uchakunik ri k’amal b’e amaq’il rech man kukuy ta kimak ri winaq kakib’an ri k’ax ri’ xuquje’ sib’alaj xub’ij ri upatanib’al ri CNC are la’ jun taqawokajnem rech kuq’atij wari’. Xuquje’, xub’ij che nim uq’ij kuna’o pa ranima’ ri k’utuj kipatan ri comisión ri’, rumal e are ri’ kakiq’atij ri b’anoj k’ax ri’ xuquje’ rech kakitzalij usaqib’al kichakunik ri wokajilal pa tinamit.
Eri CNC kiwokom uwach kumal ri rajpatan ri K’amal B’e Amaq’, kumal ri Ministro reh Finanzas, tat Jonathan Menkos, ri Primera Viceministra rech Seguridad rech ri Ministerio rech Gobernación (Mingob), nan Claudia Palencia, ri Secretario General rech ri Presidencia, tat Juan Gerardo Guerrero, ri Taqanel rech ri Secretaría rech Planificación xuquje’ Programación rech ri Presidencia (Segeplan), tat Carlos Mendoza, ri Director Ejecutivo rech ri Comisión rech Gobierno Abierto xuquje’ Electrónico, tat Edie Josué Cux, xuquje’ ri Directora rech ri Oficina Nacional rech ri Servicio Civil (Onsec), Karla Gómez ri’.
Xuquje’ xq’atataj ri upatan ri Instancia rech Consejeros Delegados, rech ke’ok r rajwab’ ri sociedad civil wokomal, kumal taq ri tinamit kech taq winaqib’ xuquje’ kumal ri wokaj e ajpoq’san chak meb’il ri’. Wokom uwach kumal: ri Javier Montenegro, ri Connie de Paiz, ri Mariana Rohrmoser, ri Daniel Haering, ri Saturnino Figueroa Pérez xuquje’ ri Ana Alicia Alvarado Batz, e are kab’ixik kakib’an ri ch’ob’on chakunem k’a pa taq wokom winaqilal rech b’anoj taq k’ak’ uchomaxik wokajilal xuquje’ b’anoj taqanib’alil pa tinamit rech uq’atexik ri elaq’nik pa wokajilal.
Ruk’ wa’ ri CNC, eri K’amal B’e Iximulew are qas kab’an uq’atexik ri corrupción ri’, xuquje’ rech kab’an uya’ik uchuq’ab’ ri b’anoj saqilemal pa juntir taq wokajilal pa tinamit, rech kab’an jun k’ak’ uwokik uwach amaq’il rech pa junamil tz’aqatil kek’oji ri winaqil ri’.