Ri k’amal ub’e japache’ kuya’ utzijob’exik che kusuk’umaj ri Wokajil Japache’

Eri K’amal b’e ri Wokajil Japache’, Luis Rodolfo Escobar ruk’ ri wokaj reqa’lenel rajchak xub’ij che are katajin uchomaxik rech e k’i ta chik winaq ketz’apib’ pa japache’ xuquje’ rumal ri’ ketajin che rilik rech kakinab’ejsaj b’i kitzoqopaxik pa taq kachoch ri e tz’apil pache’ ri’.

Xub’ij k’ut che k’o juntir ub’e’al uchomaxik ri’ rech ya’tal upwaqil rech tojb’al ri chakunem ri’ rech uloq’oxik kuwach ri e ajchajinel pa japache’ pa le ya’el tzuqb’al kech xuquje’ rech kayakik ri japache’ ri’ xuquje’ rech utz kek’oji ri pa kasuk’umaxik ri e tz’apilik, are wa’ jun upatanil ri Dirección General rech ri Wokajil Japache’ (DGPSP), xcha’ ri K’amal b’e.

“Rajwaxik b’a’ keqato’o ri e tz’apil pache’ ri’ rech pa mach’ach’em xuquje’ pa joremal kek’oji pa le taq le japache’ ri’”, xcha’.

Xuquje’ are wa’ katerenb’ex uchomaxik kuk’ ri e ajkalte’ib’ rech ketob’an ruk’ ri Wokajil Japache’ ri’ pa le uya’ik nik’aj rachoch tz’apib’alil rech kek’oji wi ke’ok pache’ rumal k’o b’anoj k’ax nim ta uchuq’ab’il kakib’ano rumal ri’ k’o ri chomam chik pa Chinab’jul, Jalapa xuquje’ Zacapa ruk’ nik’aj chomam ri’ rech ya’el tob’anem, rech kujam kajamataj kukwach ri e tz’apil pache’ xuquje’ ya’tal juntir tob’anem chi rij kumal ri taqawokajilal xuquje’ kumal ri empresas pa le uya’ik jastaq chokonsab’al b’anoj chak ri’, jacha’ taq block, k’ajtz’aqil, ch’ich’, ch’ich’ rech uwi’ ja’ ruk’ nik’aj chik jastaq ri’.

B’anoj uwa’lisaxik kuwach ri wokajil ajchajinel pache’ ri’

Pa le junab’ 2021 chomatal chik are kajachik ub’ixikil chak b’anom xuquje’ ri jupuj chakub’alil xuquje’ chomatal chik kaloq’ik ri k’aqb’alil, rumal k’ut we kamik are katajin ukojik raqarik taq k’aqb’alil man are ta k’ak’ ri’ ri rajwaxik utz k’ak’ ri kakojik pa le uq’atexik b’anoj ch’oj b’anoj k’ax che ri xaq k’a te’et kak’ulmataj ri’.

Xuquje’ katajin uchomaxik jun uta’ik pa taqawokaj ri’ jun nuk’chomab’al rech wexa’ k’o jun winaq karaj kuk’is utijoxik rib’ pa le Wokajil Japache’ ri’ rech kutijoj b’a’ rib’ xuquje’ are rajwaxik kaqaj ub’ixik pa wujil ri’, xuquje’ rajwaxik kakoj jun nimatijonem pache’ tz’apib’al ri’, rech ri k’amoj eqa’lenib’al kakik’am uq’ab’il ri ajchajinel pa japache’, are rech b’a’ ya’talil kaq’ansax urajil rech utojik uchak upatan ri’ chi kuwach ri k’a te ke’ok pa chak ri’, xcha’ ri Escobar.

Ri ch’ob’otal chik rech uq’atexik ri Coronavirus are teremb’em ri’

Eri K’amal b’e rech Japache’ Tz’apib’al xub’ij are wa’ uwach ri ub’e’al cholchak rech uq’atexik ri jun itzel yab’il Coronavirus ri’ pa taq le wokajil japache’ rumal ri’ xq’atexik ke’ok chi’ e ajch’ab’el ri e ajpache’ chi’, rumal ri’ are wa’ xub’an ri’ xkik’am uch’ob’ik kumal ri e tz’apilik rech pa le uq’atexik ri jun itzel yab’il ri’, rumal k’u ri’ pane’ b’a’ qaqat’im ta ri winaq ke’opan che kch’ab’exik chi’, qaya’m ta kanoq ri b’anoj uq’atexik ri jun yab’il ri’ chi’, are qatoq’im ri saqab’isanik chi’, ri ch’ajch’ajb’en ib’ ri’, rech retaxik ri ri q’aq’ chi kij ri winaq xuquje’ rech kakisaqab’isaj kib’ xuquje’ usaqab’isaxik pa juntir chi’ rech maj jun kutzij tane’ rib’ che ri jun itzel yab’il ri’, xcha’ ri K’amal b’e Escobar.

Alerta de Corrupción

Ultimas noticias