Sib’alaj xb’an kaq’alik ri e’ajb’anol k’ax ri’ ri kakib’an k’ax chi ke ri winaqil che ri kek’oji pa taq nimaaq’ij rech amaq’ tinamit.
Eri Wokajil Ajchajin Tinamit (PNC) sib’alaj kachajin pa taq le nimaq’ij rech xutas rib’ ri amaq’ tinamit ri’ ri kab’an pa septiembre, pa le q’ij rech katzijik ri q’aq’ rech amaq’ tinamit xuquje’ ri rech kak’am b’i pa taq tinamit ri’. Eri Wokajil Ajchajin Tinamit xkib’an jun usik’ixik ri winaqilal rech kek’oji pa taq le nimaq’ij ri’ ruk’ suk’ilem, e’ajilonel, xuquje’ xub’ij che man kukuy ta kimak jachin kakib’an k’ax chi ke ri winaqilal ke’opan pa ka’yejnem ri’.
Eri kino’jib’al kib’antajil ri nik’aj b’anol k’ax ri’ kupetisaj ri k’axk’olil we kakitzaq ri ja’ pa taq k’olib’al, ri ab’aj chi kij ri winaqil, ri b’anow k’ax ri’ kakiriq k’ax ri winaq, rumal ri’ eri b’anow k’ax ri’ are kupetisaj ri k’ax pa taq le nimaq’ij rech amaq’ tinamit ri’.
Ri xk’aslemax tzij pa 2025
Eri PNC xuna’tisaj ub’ixik ch rij ri jun riqon k’ax xk’ulmataj pa taq ri nimaq’ij rech utasom rib’ xb’an pa 2025, are chi’ jun alaj ala k’ate job’ ujunab’ xukik’aq jun k’olib’al chi ke keb’ ri e b’enaq ri’ xuquje’ k’o jun xetech’taj upalaj, chi kuwach ri utat nan ri’. Rumal k’u ri’ , eri wokajil chajin tinamit xuya ub’ixik che pa le nimaq’ij ri’ rech pa junab’ ri’ xb’an uq’atexik uq’atexik ri b’anoj k’ax pa tinamit rech wene’ kab’an uq’atexik ri b’anow k’ax chi ke ri winaqilal.
Eri PNC ri’ sib’alaj xub’ij chi ke ri tat nan kuk’ ri e’ajlinel e’achi’lanel, e wokno’jinelabn’ kuk’ ri e’ajsoliinel chi ke taq ri ak’alab’ taq ala ta ali kuk’ ab’omab’ alitomab’ pa taq le nimaq’ij ri’, are ri’ rech uq’atexik ri taq b’anow k’ax ri’ che ri ke’uya’o pa salilal, rech uq’atexik taq ri kib’antajil kina’ojil ri’ rech kek’oji taj pa k’axk’olil ri’.
Eri taqawokjil ri’ sib’alaj xub’ij che ri b’anowem rech tasem ib’ amaq’ ri’ are kab’an ri’ pa jun ub’anikil k’amow ib’, suk’ilal ruk’ nimab’al tzij amaq’ ri’, rumal ri’ xutaq chi ke ri e tat nan rech chakino’jin ri taq ak’alab’ ri’.
Xuquje’ xeq’al ri winaq che ri kek’oji pa le nimaq’ij amaq’ ri’ ri kakib’an ri k’ax ri’, sib’alaj chakiq’ala b’a’ kib’ rech kakib’an ta chik ri b’anow k’ax ri’ we jeri’ kakib’ano kechak b’i pa q’atb’al tzij ri’ chi rij taq ri k’ax ri’-
Ri PNC sib’alaj xkib’ij che pa amaq’el kakib’an ri chajinem pa taq le niimaq’ij rech pa ik’ septiembre ri’, ruk’ utaqixik ri ub’anik pa ucholajil ri b’anik taq ri nimaq’ij ri’ xuquje’ rech pa ukub’isaxik ri kib’anikil ri e’ajchalalil ri’ rech kek’oji pa le nimaq’ij rech utasb’em rib’ ri Iximulew ri’ pa kub’al k’u’x xuquje’ pa suk’ilem.