Are taqim uterenb’exik ri umajik ri chakunem rech b’anoj kunanem winaq ri’, eri Quinto Viceministerio rech Gobernación xumaj k’ut ukojik ri ch’ob’otal chak rech ub’anik kunanem winaq kuk’ tz’i’ pa komonchak ruk’ ri q’atb’altzij rech ri tijob’al rech ri Escuela Centroamericana rech Katijoxik Tz’i’ (ECEC) ri’.
Pa uterenb’exik upatanixik ri ch’ob’otal chak ri’, eri viceministro Fernando Rodas, xmolin ruk’ ri k’amol k’be rech ri ECEC, kuk’ e ajtijonel tz’i’ rech ri Subdirección General rech Información Antinarcótica (SGAIA) xuquje’ kuk’ rajchak ri wokajil Dog Training Zone, wokajil ri chakuninaq pa le katijoxik le tz’i’ ri’.
Eri Viciministro Rodas, xub’ij che ri taqim wa’ are keto’ik ri eqa’lenelab’ che ri kiriqom k’ax aretaq xek’oji pa chakunem pa chajin tinamit, jeri’ rech kesuk’ub’ax kina’ojil ri ak’alab’ xuquje’ ri e q’apojil ri kiriqom k’ax pa kalaxib’al ri’, ruk’ kitob’anik ri tz’i’ rech keto’ik ketiijoxik rech kesuk’ub’ ri’.
“We jun b’anikil ri’ are kojom pa taq le kasuk’ub’axik ri winaqil che ri kiriqom pa taq le kalaxik, e k’o k’ax kich’akul, nik’aj chik k’ax kina’ojil, kichomab’ xuqujue’ are wa’ jun chakub’al ri’ rech ke’uk’exo kesuk’ub’ rumal pa kawinaqilal ri”, xcha’ ri Viceministro Fernando Rodas ri’.