Eri winaq e achalaxik kuk’ ri e wa’katelab’ kakimol kib’ pa Nimaq’ij rech Jocotenango ri’, ri kab’an pa uq’ij le Virgen de la Asunción, uchuchuxel le nimatinamit rech Iximulew. Pa 2026, eri nimaq’ij are kab’an pa le 8 k’a pa le 16 rech agosto ri’, pa taq lajuj kajb’al pa le juk’al ukab’ kajb’al (10:00 a 22:00 ), pa le Avenida Siméon Cañas, Hipódromo del Norte, zona 2 rech uk’u’x nimatinamit.
Rumal e k’o k’ilaj xe’opan pa le nimaq’ij ri’ pa amaq’el kechajin ri Wokajil Ajchajin Tinamit ub’i’ (PNC) pa le cholchak xuquje’ chi rij taq le nimaq’ij pa tinamit, jeri’ kechajin pa le Parroquia Nuestra Señora de la Asunción, pa taq le parques xuquje’ nik’aj chik k’olib’al rech ri wokja rech uq’atexik ri b’anow k’ax, rech ketob’anik kechajin chi ke ri winaqilal xuquje’ rech kakiya’o uchuq’ab’ ri chajinem pa tinamit.
Eri ajchajinelab’ xkikoj uk’olib’alil chajinem pa tinamit rech kakilo rech e k’o winaq taqom kichapik, we keqam kiwujilal xuquje’ rech we man k’ot awan jastaq chi la’ ri kub’an k’ax che ri kik’aslemalil ri winaqil ke’opan pa nimaq’ij ri’.
Pa junamil xb’an ri kasolixik ri ch’ich’ rech kilik we k’o eleq’am chi ke xuquje’ e k’o e kojom pa b’anow k’ax. Xuquje’ xkib’an chajinem chi rij taq kejach’ich’, rech kakib’an jun utz kachajixik ri winaqilal ri’.
Eri k’olib’al chajinem kojom pa kaj are xkoj pa taq le juntir uk’olib’alil le nimaq’ij, are sib’alaj katob’anik rech kilik ri kewa’kat wi le winaq pa nimaq’ij ri’, rech sib’alaj keto’ik pa aninaqil pa taq le rajawaxik ri’.
Eri nimaq’ij rech pa tyox
Eri wokajil ajchajin tinamit xkib’an puqchajinem tzukunik chi rij taq le nimaq’ij, pa taq le qas keriqitaj wi le winaq, p ale kaq’ax wi le telemtyox rumal le ch’ab’al kab’an chi re le Virgen de la Asunción pa le sábado 15 rech agosto ri’, pa le 06:30 a 19:30 kajb’al ri’.
Wa’ ri’ kab’an rech kakub’isax ri kachajixik le winaqilal rech le Cofradía Nuestra Señora de la Asunción ri’, ri ajtelen le tyox xuquje’ ri ajch’ab’al che ri ke’opan pa le telemtyox pa taq le wokja rech ri zona 2, pa Nimatinamit xuquje’ pa taq le k’olib’alil rech ri nimatinamit.