Pa le uq’ijolal Kanimaq’ij ri Q’apojil ri’, eri Unidad rech ri Prevención Comunitaria rech ri Violencia (UPCV) ri’, xkib’an k’iyalaj taq b’anowem pa le cholchak ri’ xuquje’ pa le eqele’nem tzij q’atom ub’anik pa le B’anob’al Chomanem pa Tinamit rech Q’atenik ri B’anoj K’ax ri’, are la’ tak’al uwach pa le b’anoj q’atenik k’ax chi ke taq ri ak’alab’, q’apojil xuquje’ ri alitomab’ alab’omab’ ri’.
Eri b’anowem ri’ are la’ xb’antaj pa le Guastatoya, El Progreso; Ciudad Vieja xuquje’ pa Le Antigua Guatemala, Sacatepéquez xuquje’ pa Flores, Petén ri’, pa k’isb’al ri’, xb’antaj wi jun nimaq’ij rech chi rij ri b’anoj q’atenik ri k’ax ri’ ub’i’ “Kipatan e Q’apojil ri’, Ri in kinq’atej uwach ri K’ax ri’”.
Eri xkitzuj ri q’atb’al tzij ri’, eri reqa’lenelab’ ri UPCV are xtob’anik pa le Festival Juvenil 2022, pa le colonia El Paraíso II, zona 18 rech pa nimatinamit, rech xtaqixik ri b’anoj choletz’enem ri’, ri je’lb’anowem xuquje’ ri q’ojomanik b’ixonem ri’ are uwach pa le q’atenik ri k’ax chi ke ri alab’om alitom rech pa we Amaq’.
Pa le uq’ijolal ri b’anowem ri’, eri wokaj jachakub’al rech Organización rech Q’atenik ri K’ax chi ke Ak’alab’ e Q’apojil pa le Programa Escuelas Seguras xetatab’enik pa le “Festival Internacional kech ri Juventud” ri’, are la’ xb’an pa le Centro Comercial Zona Portales, k’o pa le Zona 17 rech ri nimatinamit, rech taqim ub’anik ri choletz’enem, ri je’lb’anowem xuquje’ ri etz’eb’eem kuk’ ri e q’apojil ri’ rech jeri’ kab’an uk’utik ri q’atenik k’ax ri’.
Pa Villanueva xuquje’ El Tejar ri’
Eri UPCV xuya jun nimatob’anem pa le Festival rech Talentos ri’, pa le uq’ijolal ri Nimaq’ij kech ri Q’apojilal, ri kak’is ruk’ ri wuqq’ijol rech ri q’apojil ri xek’oji wi alab’om alitom rech ri uq’ab’ taq tinamit ruk’ ri keta’mab’alil ri’.
Pa k’isb’al ri’ eri UPCV xek’oji pa le uq’ijol b’anoj tiko’n che’ ri’, ri xwok ub’anik kuk’ ri alab’om alitom rech El Tejar, Chimaltenango ri’, rumal wari’ uq’ijol ri Alab’om Alitom ri’. Eri b’anowem ri’ are la’ xk’am ub’e ub’anik ruk’ ri q’atb’al tzij rech El Tejar, ruk’ Instituto Nacional rech Bosques (INAB), ruk’ ri Asociación COINCIDIR ri’, ruk’ ri Unidad rech Gestión Ambiental Municipal (UGAM), ruk’ ri COCODE rech ri Colonia 20 de Octubre, ruk’ ri Ministerio rech Agricultura, Ganadería xuquje’ Alimentación (MAGA) ri’.