Eri Viceministro Antinarcótico, Fernando Manolo Rodas de León, xopan pa rachoch k’olib’alil ri Fueza rech Tarea rech Interdicción Aérea, Antinarcótica xuquje’ Antiterrorista (FIAAT) ri’, rech xopanik ruxilo jas le rajwaxik pa le chakunja ri’.
Pa le ropanik ri’, eri Viceministro Rodas, xutzijon kuk’ ri rajchak chi’, xuril k’ut ri jalajoj uwach ri’, xuquje’ ri chak kab’an chi la’ k’u ri’.
Eri Quinto Viceministro xub’ij “Eri xuqatij le rilik pa le ropanik ri’, are xurilo uwach ri chak tajin kab’an chi’, ri ub’anik xuquje’ ri taqom ub’anik k’a pa le uq’atb’altzij ri’, rech kaq’atexik ri narcotráfico che sib’alaj k’ax tajin kub’an pa Iximulew ri’”.
Eta’mam chik che pa Iximulew ri’ pa jo’ob’ junab’ chik umajom chi loq uchak ri FIAAT, ri wokatal kumal ri chakunja rech ri Fuerza Aérea Guatemalteca xuquje’ ri Wokajil Ajchajil Tinamit (PNC), xuquje’ ruk’ pa kimolajil e jo’ob’ chi helicópteros UH-1H-II rech e are kiq’atexik ri awan kunb’alil kok’ow cho kaj pa kaqiq’, emu wa’ rech ketob’anik pa taq le tzukunem ya’olchajinik pa taq rulewal tinamit rech uriqik xuquje’ uporoxik uwach ri awan kunb’alil ri’, che ri pa awalik kak’ayixik xuquje’ uq’atexik ri uk’ux’ b’anb’al awan kunb’alil che ri k’amom b’i ri’.
Xuquje’ eri FIAAT, eri uchak tajin kub’ano are ya’el tob’anik chi winaqil aretaq k’o riqoj k’axk’onem pa amaq’ tinamit Iximulew ri’, jacha’ ri k’ax xk’ulmataj pa le 2020 ri’.
Eri viceministro Rodas, sib’alaj xub’ij eri upatanib’al ri b’anoj chakunem kumal ri taqawokajilal ri’ are wa’ rech kuya’o uchuq’ab’ ri chakunem rech uq’atexik uchuq’ab’il ri awan kunb’alil ri’ xuquje’ rech pa amaq’el k’o jun nimalaj ya’olchajinem pa Amaq’il ri’.