Eri Viceministro rech Q’atel k’ax xtatab’en pa jun riqb’alil ruk’ ri k’amal b’e kech Komon ri Ajb’inisal Kejch’ich’ rech Iximulew (AMVUG), Víctor Hugo Hernández ri’ rech xechoman chi rij ri b’anoj ya’olchajinem ri’ xuquje’ maj riqoj k’ax pa taq nimab’e ri’ xuquje’ are wa’ jun riqoj k’ax kaya’ nim utzijol pa le ya’ltzijolil ri’ rumal k’ut are wa’ qas e ukamisam b’i e k’i winaqil ri’ pa le ya’ltzijol ri’ ketatab’enik ri ajb’inisal kejch’ich’, ri taxistas xuquje’ ri e ajb’inisal ch’ich’ rech erelwinaq ri’ rech uq’atexik b’anoj k’ax chi ke ri ixoqib’, ri ak’alab’, pa taq kachoch xuquje’ pa taq nimab’e ri’.
“Eri uj are k’o puqchajinem qab’anom ronojel taq q’ij pa taq chaq’ab’ pa le jalajoj taq uwach ri wokom ja rech pa uk’u’x nimatinamit pa komonchak ruk’ ri departamento rech Tránsito, rumal ri’ sib’alaj keqasik’ij apanoq ri molaj xuquje’ ri komon kiwokom uwach ri AMVUG ri’ rech e are jun ketatab’enik pa taq le b’anoj ya’ltzijol ri’ rech uq’atexik ronojel uwach riqoj k’ax ri’ xuquje’ rech are wa’ kuya’o uchuq’ab’ ri ronojel taq b’anoj ri’ pa le sib’alaj rajwaxik e are jun ketatab’en ri’ ri komon winaqilal ri’, rumal k’ut pa k’isb’alil eri tijowchuq’ab’ ri’ are kech xuquje’ kumal ri winaqilal ri’”, xcha’ ri Tercer Viceministro ri’.
Xub’ij chik che are rajwaxik katzijob’ex wa’ chi ke ri konojel ri e ajb’inisal ch’ich’ rech kakinimaj wari’ uwach ri taqonik rech Tránsito xuquje’ rech man k’ot chik tojb’al man rajwaxik taj kakoj chi ke ri’, are la’ qas utz b’a’ eri e are ri’ kakisuk’umaj kib’ rech kakiriq ta chi k’ax xuquje’ ri kikamik ri qas k’ax ri’.
Rajwaxik are qas kachomax ri seguros ri’, ri ukojik ri tob’al kajolom, e k’i ta winaq kakik’am b’i chi rij ri kejch’ich’ xuquje’ rajwaxik e are jun kekoj pa le toq’ob’ tojb’al ri’ ri e ajyakonelab’ rumal k’ut e are ri’ qsa nab’ ke’opan pa taq le kakiriq wi k’ax ri e ajb’inisal taq ch’ich’ kuk’ ri kachib’il kik’amom b’i xcha’ ri García Rubio.
Ri k’amoj kib’e e ajkejch’ich’ sib’alaj xkijito nimtob’anik pa le ya’ltzijol rech q’atel k’ax
Eri ub’im ri K’amal b’e rech ri AMVEG ri’ sib’alaj kachomam chik che ronojel kanima’ e are jun ketatab’enik pa le nim ya’ltzijol ri’ rumal k’ut ronojel wari’ are rech q’atenik riqoj k’ax ri’ xuquje’ rech rajwaxik b’a’ kakikoj tob’al kajolom ri e ajb’inisal kejch’ich’, chinaq kakikoj taj k’o tojb’al chi rij, eri pa utzilem nojimal kakib’inisaj ri kach’ich’ are la’ kub’ano rech kaq’atatajik ri riqoj k’ax pa taq nimab’e.
“K’o nik’aj chik b’anoj ch’ob’otal chak chaqawach uj oj Asociación, eri b’anoj taq tijonem pa tinamit ri’, che ri ketijox wi ri ak’alab’ rech e are k’ut ketijon ch ike ri kitat nan xuquje’ rech kakib’ij chi ke man kakirumumij ta kib’ kakib’inisaj ri kach’ich’, rech kakikoj b’a’ tob’al kijolom xuquje’ e k’i taq kakik’am b’i chi rij ri kejch’ich’”, xcha’ ri Hernández.
Rumal ri’ xumaltyoxij, xulej uq’ab’ chi rij wari’ xuquje’ xujito ronojel utob’anik pa le jun ya’ltzijol rech q’atel riqoj k’ax ri’ che ri kab’an pa taq le nab’e q’ij rech pa le Awas Q’ij rech pa we junab’, chi’ k’u ri’ ch’ob’otaj chik rech kab’an jun chik chomanem rech b’anoj taq ri chakunik ri’ rech ya’el tob’anem chi rech ri Tercer Viceministerio rech Q’atel k’ax ruk’ taq le jalajoj taq uwach ri ya’ltzijol ri’ rech q’atenik ri b’anoj k’ax chi ke ri ixoqib’, ri ak’alab’, ri alab’om alitom xuquje’ pa taq le kachoch ri’.
K’o nik’aj chik chomanem kab’anik rech kaya’ uchuq’ab’ ri kub’sib’al wa’kateb’al pa nimab’e ri’
Eri q’atb’altzij rech ri Taqachajinem pa Amaq’ pa reqele’nik ri Tercer Viceministerio rech Q’atel k’ax rumal ri’ k’o jalajoj taq ub’eyal chomanem ub’anom chi rij ri seguridad vial xuquje’ rumal ri’ utaqom ub’anik jalajoj taq ya’lchajinik pa taq ri wokom ja rech pa uk’u’x nimatinamit xuquje’ pa juntir amaq’ kumal ri jalajoj taq ajchajinelab’ rech taq tinamit rech b’anoj uq’atexik ri k’ax che ri tajin kumal ri winaqil rech ukojik tojb’al chi ke ri’ xcha’ ri Viceministro.
“Qab’anom chi rilik ri jun chi ke ri rumal kiriqitaj ri k’ax e kaminaq winaq rumal pa we amaq’ ri’ xuquje’ rumal ri’ kojtajin che ub’anik ri ya’ltzijol ub’ixik ri’ chi ke ri winaqil pa taq le b’anoj tzijob’enik ri’ xuquje’ rumal ri’ pa komon kojtajin che uchakuxik uwach ruk’ ri Unidad rech ri Prevención Comunitaria rech ri K’ax (UPCV) xuquje’ ruk’ ri Subdirección General rech q’atel ri k’ax (SGPD) ri’ rech ri Wokajil Ajchajil Tinamit (PNC) kuk’ ri’ k’o uk’olib’al puqchajinem qab’anom ri’, rech ya’ltzijol ub’ixik xuquje’ rech uch’ob’ik ukojik ri ya’ltzijolil ub’ixik chi rij ri seguridad vial ri’” xcha’.