E pa tinamit rech Nab’ajul xb’an wi ri nab’e riqb’alil rech xkojik jun molaj chomanelab’ pa taqawokajil rech uchomaxik ri k’amq’aq’ kab’an ri’, rech kaq’atexik ri ch’a’ojil chi rij xuquje’ pa jikomal b’a ukojik kab’an ri’, are tajin uterenb’exik pa le b’anoj ub’e’al ri Chomanem rech kaq’atexik ri ch’a’ojil b’anoj k’ax pa rulewal ri Amaq’ tinamit rumal ri’ Ministerio rech Gobernación ri’.
Are wari’ tajin uch’ob’ik ruk’ utatab’enik ri Gobernador Departamental Jorge Juan de León xuquje’ kuk’ ri e ajk’exwach chomanelab’ rech ri Ministerio rech Gobernación, rumal ri Unidad rech Prevención Comunitaria rech ri k’ax (UPCV), rumal ri Procuraduría rech Derechos Humanos (PDH), rumal ri Comisión Nacional rech Energía Eléctrica (CNEE) xuquje’ rech Asociación Nacional rech Qatb’altzij (ANAM) ri’.
Eri Gobernador rech Nab’ajul rech ri 33 uq’ab’il tinamit, k’o 16 utzijolil ch’a’ojinem b’anom chi rij ri K’amq’aq’b’al ri’ xuquje’ are jun uwach chomanem rajwaxik kab’an ri’ rech kesik’ixik ri wokajilal ketatab’en pa le wokom uwach komon rech ri chomanem ri’.
Xuquje’ aretaq xtzijox ri upatanib’al ri’ xuquje’ xya’ ub’ixik che k’o jun K’amoj ub’e’al chomanem ri’ rech kuchomaj uq’atexik ri ch’a’ojil chi rij xuquje’ rech kachomaxik ri nik’aj chik uwach chomanem pa taq komon winaqilal ri’.
Eri uchomaxik ri ch’a’ojilal winaqil ri’ are rajwaxik kaq’atexik rumal are qas kupetisan ch’a’ojil b’anoj k’ax xuquje’ are kub’an k’ax chi ke ri winaqil pa taq tinamit, rumal ri’ pa le b’anoj ub’e’al chomanik ri’ are rajwaxik kakoj uch’ob’ik uterenb’exik rilik ri’ rech kapaj le rilik ropanb’alil ri’.
Pa le nab’e riqb’alil rech uwokik jun molaj chomanelab’ pa Nab’ajul ri’ chi’ xch’ob’ chinaq taq wokajil ketatab’en pa le riqb’alil ri’ rech katerenb’ex ub’anik ri jun chik riqb’alil pa le 10 rech marzo ri’ pa le riqb’alil ri’ kesik’ix wi ri k’exwachinel rech taq ri wokajil ya’el ri k’amq’aq’b’al xuquje’ ri e ajkalte’ib’ rech ri 16 uq’ab’ tinamit e tatab’enel ri’.