Ri Viceministro rech Seguridad, Roberto Solórzano, xopan b’a’ pa le Inspectoría General rech ri Sistema Nacional rech Seguridad ri’, ri xya wi jun loq’ na’tib’al chech ri are, rumal are xk’oji che nab’e Inspector General rech ri Sistema Nacional rech Seguridad ri’.

Pa riqonem ri’, eri q’atb’al tzij sib’alaj xkib’ij chi k’o nim upatanib’al rech kaya’ uchuq’ab’ ri b’anow chajinem pa taq ri wokajil che ri k’o pa le Sistema Nacional rech Seguridad, jacha tane’ are jun chakub’al nim uchuq’ab’il rech kakub’isax ub’anik pa le saqilal, pa rutzilal upatanexik pa le q’atow chak patan pa tinamit.

Pa le riqon ib’ sib’alaj xb’an utzijob’exik ri tob’am uwach rumal le Decreto 18-2008 ri’, rech Nim Taqanem rech ri Nim Wokaj rech Chajinem pa Amaq’ Tinamit, ri taqanel tzij kub’ij che ri Amaq’ Nimatinamit ri’ rajawaxik pa utz kemonchak kunab’ejsaj uq’atexik taq ri q’oxomal k’axk’onem, ri xib’anem ruk’ ri maj ukowil ch’uch’ujilem ri k’ate kuq’atij uwach ri chajinem pa Amaq’.

Jeri’ sib’alaj xub’ij che ri choltaqanem pa tinamit kub’an ri chajinem pa le taqawokajil rech kuk’ub’isaj le b’anow utz chak patan pa taqawokajil ri’, pa taq le q’atow tzij, pa taq le solinik xuquje’ pa le uchajixik ri’ rech uya’ik uchuq’ab’ le chak upatan le taqawokaj ri’.

Le ya’ik le loq’ na’tib’al chech le viceministro Solórzano ri’ sib’alaj xuya ub’ixk che ri ya’ik uchuq’ab’ ri taqawokajilal ri’ ruk’ le solib’al ri chajinem pa le wokaj chajinik ri’.

Ruk’ le chak b’anow ri’, el Ministerio rech Gobernación sib’alaj xub’ij che le upatan ri’ are rech kuya’o nim uchuq’ab’il le taqawokajil ri’ ruk’ le ya’ik nim uchuq’ab’ le jun b’anow chajinem pa saqilem tzij xuquje’ le unimaxik ri ya’talil chi ke ri winaqilal.