Eri chajinem b’anom pa tinamit ruk’ ri cholchajinik rech kaq’atexik ri molaj taq b’anol k’ax are la’ xya’ ub’ixik rumal le ministro rech Gobernación, Marco Antonio Villeda Sandoval, pa le nab’e utzijob’el xb’an pa le 22 rech abril are maja’ na kaqaj uwach le nimriqob’al ib’ ub’i’ Encuentro Nacional rech Empresarios rech ri Desarrollo (ENADE) ri’, ub’i’ pa kaxlan tzij “Seguridad xuquje’ Desarrollo pa Iximulew: Ya’ik nim uchuq’ab’ ri Utz K’aslemal rech kaqanimarisaj uwach ri loq’ab’al tinamit pa Chuwe’q Kab’ij”, rech pa 2026 ri’.
Pa le tzijonem chomanik rumal le Fundación rech ri K’iyemtzij Yakab’al ib’ (FUNDESA), xechoman chi rij ri b’anow chajinem ri’, rech ri b’anow nimachak pawe q’ij kamik, rech utz ub’anik ri chajinem pa taq tz’apib’al ja, rech ya’ik kowilaj nim uchuq’ab’ ri q’atb’al tzij, rech ya’ik uchuq’ab’ ri pixab’al k’amal b’e chajinem pa Amaq’ xuquje’ rech katunik uchuq’ab’il rech uq’atexik taq ri b’anow k’ax.
Le Ministro Villeda sib’alaj xuya ub’ixik chi xb’antaj uq’atexik uchuq’ab’ ri b’anow taq k’ax, che tajin ya’ik nim uchuq’ab’ ri yakon uwach ri k’ak’ taqanem pa Wokajil Tz’apib’al Winaqil, xuquje’ pa le uq’atexik ri b’anow k’ax, are chi’ xb’an ri chajinem pa le uq’ijol ub’anik ri Operación Centinela xuquje’ le Korlim Uq’atexik K’ax pa amaq’ tinamit.
Sib’alaj xuya utzijol che tajin upatanexik ri k’ak’ taqanem pa wokajil tz’apib’al winaq pa le kakojik ri’ le 600 chik k’ak’ e’ajchajinel pa tinamit, el k’ak’ yakob’al rachoch wokaj tz’apib’al winaq ri’ are rech kanimax ub’anik jacha le chomatal kumal taq amaqib’ pa uwachulew, rech uyakik le k’ak’ taq tz’apib’al ja le sib’alaj rech sib’alaj e chajim, xuquje’ le b’anow taq puqtzukunem tajin pa rachoch taq tz’apib’al winaq ri’ rech kaq’atexik ri b’anow taq k’ax k’a pa taq rachoch tz’apib’al winaq ri’.
Le taqawokajel rech ri Ya’olchajinem pa Amaq’, xub’ij k’ut, eri kakojik pa wokaj chajinem ri 3,200 chi e k’ak’ eqa’lenelab’ pa julio ri’, eri jaqib’al taq uwach ri k’ak’ kachoch e’ajchajinel pa tinamit, ruk’ ri uloq’ik ri kejach’ich’ rech ri kowilaj chajinem kumal ri PNC, rech ri b’anow taq ri puqtzukunem xuquje’ rech kaq’atexik ri k’ax. Xub’ij chik che tajin ucha’ik kuwach ri eqa’lenel rech ri Departamento rech Tránsito rech ri PNC, rech kaq’atexik ri b’anow taq k’ax xuquje’ rech kab’an ri chajinem pa taq nimab’e pa rulewalil le amaq’ tinamit.
Xub’ij k’ut che xb’antaj kowonem xeq’atexik ri narcotráfico pa rulewal amaq’ tinamit ri’. Eri xb’antaj kowonem ruk’ are ri kaq’atexik ri e 23 chi winaqilal ri taqom kachapik rumal ri q’atb’al tzij estadounidense rumal e k’o ruk’ ri narcotráfico ri’. “Pa enero rech pa junab’ ri’, qariqom chik qaraj job’ nima’q k’olib’alil rech cocaína, are ri qas kaqariqom pa amaq’ tinamit”, xcha’.