Katajin patanixik jun cholchak ri’ rech usaqab’isaxik uwo taq pa tinamit ri’ are la’ ketajin che upatanixik ri Subdirección General rech Q’atel k’ax ri’ rech ri Wokajil Ajchajil Tinamit, kumal ri reqa’lenelab’ ri Subestación 33-4-2 rech Santa Bárbara, Suchitepéquez ri’, ketajin wi che utz’ajik je’l taq achib’alil cho jun nima uwoxan pa tinamit ri’ ruk’ kitob’anik ri Colectivo Amigos del Arte ri’.
Pa le ri b’anoj je’l utz’ajik le nim uwoxan ri’ e are jun ri reqa’lenelab’ ri Subdirección ri’ le a Fredy Estuardo Velásquez Sucuquí xuquje’ a Feliciano Macario Chachal Tumin ruk’ kino’jchakunik kakib’ano ri e je’lb’anojelab’ ri’, le Jorge Sojuel aj pa tinamit rech Santa Bárbara xuquje’ le Brezner Alexis Cabrera Paniagua aj tinamit rech San Miguel Pochuta, Chimaltenango, e uwinaqil ri Colectivo Amigos del Arte ri’, ri xkikoj ronojel kichak keta’mab’alil che jun je’lb’anoj rech xkijach uwach pa tinamit ri’ are wa’ jun loq’ chakunem kopan pa kanima’ ri tinamit winaqil ri’.
We b’anoj chakunem ri’ are utaqim ri’ rech usuk’umaxik uwach pa tinamit che ri e sachom kanoq nab’e ri’ xuquje’ ri tz’ib’atal kanoq kumal ri maras xuquje’ pandillas ri’, rech kasaqab’isax wari’ rech maj b’anoj k’ax ri’ rech pa joremal jikomal kek’oji ri winaqil chi’ xuquje’ rech keq’atex ri k’ajolab’ rech ke’ok ta pa b’anoj k’ax chi’.
Eri e ajchajin tinamit ri’ kakina’tij ub’ixik chi ke ri winaqilal chi’ che k’o nim upatanib’al kesik’in loq pa aninaqil pa le 110 rech PNC xuquje’ pa le 1561 ruk’ Cuéntelo a Waldemar, rech k’o chakib’ij loq.