Pa unimaxik ri Operativo Táctico Integral ri’ ri xtaq ub’anik rumal ri Ministerio rech Gobernación ri’, rumal k’u ri’ eri rajchajinel ri Subdirección General rech Operaciones rech ri Comisaría 41, xkiq’atej jun cabezal pa le kilometro 222 pa nimab’e CA-2 rech Coatepeque, Xe’laju’ ri’, b’inisam b’i rumal jun achi ub’i’ Cristian Giovanni Escobar Castañeda, 42 ujunab’, reqam jun k’aqb’al Canik rech 9 milímetros maj uwujil, chi upam l nimach’ich’ ri’ e uk’amom b’i kajib’ salvadoreños rech ri Mara 18 ri k’o kimak kb’anom ri’.
Eri xechapataj ri’ e are: a Edwin Orlando Abrego Montano, 28 ujunab’, alias “Negro”; Daniel Ángel Vásquez Quinteros 39 ujunab’, alias “Litle boy o comadreja”; a Wilber Elías García Aguilar 40 ujunab’, alias “Moreno” xuquje’ a Marlon Francisco Cortéz Laynez 26 ujunab’, alias “Demente” ri’.
Eri q’atb’al tzij xkib’ij ri’ che ri nik’aj pandilleros ri’ kiwam kib’ pa le warib’äl k’o chi upam ri ch’ich’, man k’ot kiwujil xuquje’ tz’ib’atal kij ri xe’uk’utu che e ajb’anol k’ax ri’.
Eri nik’aj winaq ri’ kapetik ri Ciudad Delgado, San Salvador, El Salvador ri’ ri xe’ok loq pa rulewal qatinamit ri maj pa usaqil xepe ri’.
Eri xechapatajik xejach pa kq’ab’ le q’atb’al tzij rech ri Instituto Guatemalteco rech Migración (IGM) pa Valle Nuevo, Jutiapa ri’ xuquje’ xek’am b’i pa q’atb’al tzij rech ri nimatinamit centroamericana ri’.
Kuk’ ri’, e k’o chik 39 pa kajilab’al chi pandilleros e chapom b’i.