Eri q’atb’al tzij xkichap e oxib’ chi winaq e b’enaq pa jun ch’ich’ rech kub’an eqa’n.
Eri reqa’lenel ri División Especializada rech Investigación Criminal (DEIC) ri’ rech ri Wokajil Ajchajil Tinamit (PNC) xuquje’ kumal ri q’atol tzij rech ri Ministerio Público (MP) xkiya ub’ixik che xkichap loq jun achi ub’i’ Rodwin Alexander Arévalo Avendaño 21 ujunab’ pa le jun ja xtzukux upam ri’ pa le colonia Mezquital, zona 12, Villa Nueva ri’.
Eri jun a Arévalo ri’ rumal xub’an kamisanik xtaq uchapik rumal ri Q’atb’al tzij rech tinamit Villa Nueva ri’, pa le 30 rech mayo rech 2022, xecha’ ri PNC.
Eri tzukno’jchak chi rij xk’utu che ri jun b’anol k’ax ri’ k’o oxib’ chi winaq e ukamisam, are chi’ e b’enaq pa le jun ch’ich’ kub’ilij ulew ri xkiloq’ ruk’ tojb’al xkib’an pa pwaqb’al ja, rech pa tinamit ri’. Eri jun ch’ich’ ri’ are xchap b’i kumal ri q’atb’al tziij, ri k’ayim chik chi ke nik’aj chik winaq.
Eri wokaj ajchajin tinamit xkib’ij che ri jun a Arévalo Avendaño xk’am b’i pa q’atb’al tzij ri’. Eri tzukunem chi kij are sib’alaj katajin na ri’.