Rumal k’o xuya’ loq utzijol ri’ k’o pwaq ruk’ k’aqb’al xraqataj pa Palencia

 

Pa uterenb’exik jun tzijol pa awalik xya’taj loq ri’, chi’ k’u ri’ xkiya’ loq ub’ixik che k’o keb’ ja k’olib’al rech Jardines rech Palencia, chi kij katzijol nik’aj pandilleros kik’olom k’aqb’alil ruk’ pwaq ri’ rech toq’inik pwaq xuquje’ elaq’ kib’anom ri’, rumal ri’ eri eqa’lenel rech ri Wokajil Jachakunb’al rech Kaq’atexik Pandillas (DIPANDA) rech ri Wokajil Ajchajil Tinamit pa komonb’al ruk’ ri Q’atol tzij rech ri Ministerio Público ri k’o keb’ b’anoj tzukunik xkib’an pa tinamit ri’.

Eri q’atb’altzij xkiya’ loq utzijol che pa le Ja K’olib’al 23 Colonia Jardines rech Palencia Guatemala, chi’ xkiraq wiri’ Q. 60,000.00, ruk’ jun ch’awib’alil, ruk’ jo’ob’ b’ilob’al rech ri’ xuquje’ ruk’ 134 ub’aq’ k’aqb’alil, qaraj rech 9mm ri’.

Pa le Manzana K Lote 66, Colonia Jardines rech Palencia, xraqataj wiri’: jo’ob’ chi ch’awib’alil. Xuquje’ pa le Manzana J, Lote 1-B ri’, chi’ xchapataj wi loq a Sander David Ernesto López López, 22 ujunab’ xuquje’ xkiraqo chi’: jun k’aqb’alil, ruk’ waqib’ ub’aq’ k’aqb’alil xuquje’ ruk’ jun ch’awib’alil ri’.

Eri winaqil che ri xchap ri’ xq’axaxik pa uq’ab’ q’atb’altzij chi rij ri b’anoj k’ax xub’an ri’