Are taqim k’ut katijoxik ri e ajb’inisal ch’ich’ pa qatinamit ri’, rumal ri’ kamik xjuch’ uwach ri nuk’chomanem rech tob’anik, Sara Bolaños, ri taqanel rech ri Departamento rechTránsito (DT) rech ri Wokajil Ajchajil Tinamit (PNC) ri’.
Ruk’ wari’ are kaya’ uchuq’ab’ ri ya’olchajinem pa taq nimab’e chi ke e aj iximulew ri’, rumal ri’ choman pa wokajilal ri’ ruk’ ri Coordinadora Nacional rech Transporte (CNT) xuquje’ kuk’ ri Gremial rech Transporte Extraurbano rech e Ajb’inisaxel (Gretexpa) ri’, xecha’ ri q’atb’al tzij.
Eri DT xub’ijj are rech wa’ kato’ik uwach ri q’atenik riqoj k’ax pa taq nimab’e kumal ri ch’ich’, rumal ri’ chob’atal chik rech are la’ kab’an jun tijonem chi ke e 100 mil chi e ajb’inisal ch’ich ri’, ri e k’o pa molajil pa le CNT xuquje’ Gretexpa. Ruk’ utob’anik ri wokajil kemol wi ri e ajb’inisal ch’ich’ pa jujun taq tinamit rech Iximulew.
Eri cholchak ri’ are la’ kapatanaxik pa ik’ mayo ri’, k’a pa abril rech 2023, rech k’o jun nim tijonem chi ke ri’ chi rij ub’anik b’inik wa’katem pa taq nimab’e pa jikomal, pa le upatan ri cholchak rech utz uch’ob’ik w’akatib’al pa taq nimab’e ri’.