Are taqim ya’el uchuq’ab’ ri reta’maxik ub’anik kichak kumal ri Fuerzas Especiales Policiales (FEP) rech ri Wokajil Ajchajil Tinamit (PNC), we q’ij kamik xmajtaj ri tijonem rech Soporte Vital Básico yat’al kumal e ajtijonelab’ colombianos, rech ri Coordinadora Nacional rech ri Reducción rech Desastres (CONRED) xuquje’ kumal ri Cuerpo rech Bomberos Municipales (CMB) ri’. Ruk’ utob’anik ri INL, Guatemala xuquje’ rumal ri Salud Policial ri’. Eri tijonem are xya’taj pa le Escuela rech Especialidades, zona 6 pa uk’u’x nimatinamit ri’.
Eri Anner Florián, secretario técnico rech Estudios xuquje’ Doctrina, xub’ij che ri katijoxik e ajchajil tinamit ri’ are la’ k’o nim upatanib’al rech eta’mab’al kakikojo rech kakipatanij ri winaqil ri’.
“Eri tob’anem chi ke ri winaqil are k’o nim upatanib’al, rumal k’ut are qas utz chi ke kaq’ansax keta’mab’al ri e ajchak ri’ xuquje’ rech k’o jun nim tob’anik kuya’ chi ke ri winaqil e aj iximulew”, xcha’ ri Florián.
Eri rajchomanel ri INL-Guatemala ri’, xub’ij chi ke ri reqa’lenel ri PNC rech chakik’ama b’a’ nik’aj chik ch’ob’oj eta’mab’al rech ketob’an chi ke ri winaqilal ri’.
“Rajwaxik kakisach kirajil pa le reta’maxik q’atenik k’axk’onem ri’ xuquje’ rech kakich’ob’ uq’atexik ri riqoj k’ax ri’, are chi’ we k’o jun q’atenik pa aninaqil chi ke ri winaqil”, xcha’ ri Fernando Murillo rech ri Murillo rech ri Ajchajinelab’ rech Colombia ri’.
Eri Jorge Mario Cifuentes, subdirector rech Salud Policial, xub’ij che ri tob’anem pa rulewal nimatinamit e k’o naj ri’ are k’o nim upatanib’al, “kaya’ uchuq’ab’ uwach chak che ri kakib’an ri winaqil ri’ rumal ri’ k’ut are k’o nim upatanib’al pa taq le aninaqil kachomaxik, rumal k’ut chi’ pa qatinamit Iximulew ri’ k’o nima’q riqoj k’ax kak’ulmatajik, chi’ k’u ri’ eri PNC sib’alaj kito’om ri winaqil ri’”.