Eri Tercer viceministro, Carlos García Rubio, xusolij ri b’anoj chajinem xuquje’ ri q’atenik k’ax kumal ri Wokajil Ajchajil tinamit (PNC), are la’ uwach ri ya’ltzijol «Guate Previene» ri’, pa le kilómetro 135, Río Hondo, Zacapa, chi’ k’u ri’ kiriqitaj wi jun campamento rech ri Sistema Nacional rech Prevención pa Awas Q’ij (SINAPRESE) ri’.
«K’o kajib’ nima’q chak pa we amaq’ are la’ rech ya’b’al uchuq’ab’ ri seguridad vial xuquje’ rech q’atel k’ax chi ke ri ixoqib’, ri narcomenudeo xuquje’ ri rilik kitzijol ri winaqib’ che ri e petinaq pa le nima cholwinaqilal ri’» xuya’ ub’ixik.
Chi la’ k’ut, xb’an wi uk’utik ri jun riqoj k’ax rumal ch’ich’ pa nimab’e, xkoj ri’ jun rachib’al winaq ruk’ jun kejch’ich’ pa le nimab’e ri’, rech kepixb’axik ri e ajb’inisal ch’ich’ ri’ rech kakib’an kwenta pa taq le nimab’e, xuquje’ rech k’o wuj rech ya’ltzijol (afiches xuquje’ trifoliares) rech b’iw ub’ixik kumal winaqil xjach ri’.
Eri García Rubio, xuquje’, xub’ij che konojel ri reqa’lenelab’ ri Wokajil Ajchajil Tinamit (PNC), e are sib’alaj kechajin pa we amaq’il, rech kechajinik chi ke ri winaqil xuquje’ kachoch kijastaq pa le Awas Q’ij ri’.
