Rumal k’ut eri ministro rech Gobernación David Napoleón Barrientos, eri Gobernador Departamental rech Chuwi’meq’ina’ José Pablo Ordóñez Benítez, xmolin pa jun nimriqb’al ib’ paq’ij kamik kuk’ ri taqanel rech ri Comisaría 44 rech ri Wokajil Ajchajil Tinamit (PNC) rech Chuwi’meq’ina’. Pa le riqb’al ib’ xe’opan wi ri ajkalte’ib’ rech uq’ab’ taq tinamit rech rulewal tinamit ri’ xuquje’ kuk’ ri rajpatan ri Procuraduría rech ri Derechos Humanos, rech taqim ub’anik ri ya’olchajinem tzukunik pa taq le nimaq’ij rech alaxib’al ri’ xuquje’ pa k’isb’al jalib’al junab’. Are taqim kuq’atexik uchuq’ab’ ri b’anoj k’ax pa taq ri k’olib’alil che ri kakititz’o wi kib’ winaqil, chi la’ k’ut.
Eri Gobernador xub’ij che k’o nim upatanib’al ri komonchak kab’an kuk’ ri ajkalte’ib’ xuquje’ ri ajchajil tinamit chi’ rech kakilo jas le qas kak’ulmataj wi b’anoj taq k’ax pa le nimaq’ij alaxib’al ri’ rech pa k’isb’al junab’.
“Paq’ij ri’ xaqamol qib’ ri uj ajkalte’ib’ rech uq’ab’ taq tinamit xuquje’ kuk’ ri taqanel rech ri PNC rech ri Comisaría 44 rech ri b’anoj ya’olchajinem tzukunik pa taq le q’ijol rech ri nimaq’ij alaxib’al xuquje’ pa k’isb’al junab’, are la’ taqim b’anoj ya’olchajinem chi ke ri winaqil ri’ xuquje’ rech pa kub’sib’al k’u’x pa joremal keb’e kel b’i che b’inik wa’katem ri’”.
Xuquje’ sib’alaj xub’ij che k’o nim upatanib’al kab’an ri riqb’al taq ib’ ri’ rumal k’ut eri e ajkalte’ib’ keta’m k’ut qas ri kab’an wi ri k’ax pa taq katinamit xuquje’ rech are la’ kakiya chi kuwach kuk’ ri Ajchajil Tinamit kakiwa’katej ri ya’olchajinik ri’, chi ke ri winaqil xuquje’ pa taq patrullas ri’.
Eri Sub-Comisario Selvin López, xub’ij che ri ajchajinelab’ pa rulewal tinamit rech Chuwi’meq’ina’ kek’oji pa taq k’i k’olib’em winaq rech kakikub’isaj kik’u’x ri winaqil rech pa joremal kek’oji chi’ xuquje’ rech uq’atexik taq b’anoj k’ax ri’.
“Pa taq ri k’olib’alil ri’ eri ajchajil tinamit are qas kakilo we e k’o winaq taqom ta kichapik rech kakichapo xuquje’ rech we man keqam ta itzel jastaq rech b’anoj k’ax chi ke ri winaqil pa tinamit”.
Eri ya’olchajinem ri’ are la’ tajin ub’anik jacha kub’ij pa le Plan Operativo 39-2022 “Rech Ya’olchajinem pa Nimaq’ij Alaxib’al xuquje’ pa K’isb’al Junab’”, ri xtaq ub’anik rumal ri Wokajtaqanel Iximulew ri’ xuquje’ rumal ri Ministerio rech Gobernación pa rulewal qatinamit.
Eri Santiago Vicente ajkalte rech chu’tz’aq Momostenango, Totonicapán, sib’alaj xumaltyoxij ri komonchak kab’an pa taqawokajil ri’ rech ri ya’olchajinem pa tinamit ri’.
“Eri ajkalte’ib’ rech taq tinamit xkib’ij che sib’alaj utz ri chakunem pa wokajilal ri’ rumal are rajwaxik kab’anik rech k’o jun nimalaj ya’olchajinem tzukunik pa taq le q’ij rech pa k’isb’al junab’ ri’”.
Rech ya’el kub’sib’al k’u’x chi ke ri winaqilal e aj chuwi’meq’ina’ ri’, eri ya’olchajinem tzukuknik are la’ kab’an ri’:
· Pa rachoch k’olib’al pwaq
· Pa Cajeros automáticos
· Pa taq k’ayib’al
· Pa k’olib’al uxulanib’al etz’eneb’al
· Pa taq nimak’ayib’alil
· Pa taq nimab’e ri’, pa taq tinamit xuquje’ pa le CA-1 Occidente
· Pa taq kab’an wi ri k’ax (che ri qas e k’o wi b’anol k’ax)