Are chi’ rech pa amaq’el k’o pa uq’ijol ri Plan Operativo Táctico Integral Fronterizo
13-2022 ri’, eri ub’e’al ri cholchak ya’olchajinem xkoj rumal ri Ministerio rech Gobernación (Mingob), pa reqele’n uchakunik ri Wokajil Ajchajil Tinamit (PNC) ri’, ruk’ utob’anik ri Wokajil e Ajchajil Amaq’ Iximulew xuquje’ kuk’ ri rajchak ri Instituto Guatemalteco de Migración (IGM) ri’ xuya’ pa retal rech xb’antaj kowonem xechapataj e 28 chi pandilleros e salvadoreños ri’, k’a pa le 25 uq’ij ri ik’ abril rech pa junab’ ri’.
Eri e are ri’ xejach b’i pa kaq’ab’ ri q’atb’al tzij rech pa katinamit k’o apanoq, pa konojel ri’ e k’o 18 ri’, ri maj kiwujil xkiq’axe’j loq pa k’ulb’a’t rech pa amaqil ri’. E k’o lajuj chik xechapataj kumal taq e ajchajil tinamit ri’.
Eri rajilab’al xuq’alajisaj ri’ che e k’o 14 chi ke ri’ e uwinaqil ri Barrio 18, rech ri mara Salvatrucha e b’elejeb’ xuquje’ e kajib’ chi ke ri’, ri xch’ob’otaj taj jachike molaj b’anol k’ax e winaqil ri’.
Konojel ri’ xechapataj pa Jutiapa e (14) ri’, pa nimatinamit Iximulew e (6) ri’, pa Retalhuleu e (3) ri’, pa Jalapa e (2) ri’, pa Petén (1) ri’, pa Escuintla (1) ri’ xuquje’ pa La Antigua Guatemala, pa Sacatepéquez (1) ri’.
Eri nik’aj xechap ri’ kab’ixik eri kimak are b’anoj kamisanik ri’, reqaxik k’aqb’alil maj pa usaqil ri’, b’anoj toq’inpwaq ri’, b’anoj elaq’nik chi ke winaq ri’, b’anoj taq kajo’saxik winaq rech xkileq’aj kirajil ri’, b’anoj taq kamisanik, b’anoj taq elaq’, q’axenik awan jastaq kunb’alil, b’anoj k’ax elaq’ ruk’ k’aqb’alil chi ke winaq ri’, b’anoj taq kamisanik, b’anoj q’axenik maj pa usaqil, k’ayin awan kunb’alil chi ke ri winaq’, b’anoj k’ax xuquje’ elaq’ ri’.
Eri ministro rech Gobernación ri’, David Napoleón Barrientos xub’ij che katerenb’ex ub’anik r komonchak ri’ pa wokajilal, rech kataqixik kaq’atexik nik’aj pandilleros ri’, che ri kanim loq kib’ rumal “xterenb’ex kachapik pa korlim ya’olchajinem chi ke ri’”, ri k’a te xtaq ub’anik rumal ri Congreso rech El Salvador ri’.