Eri Antigua Guatemala, Sacatepéquez, are jun chi ke tinamit k’olib’al che ri qas kakib’an wi opanem ri winaq pa wa’katem xuquje’ kuk’ ri kepe naj pa le Awas Q’ij ri’. Pa le nimatinamit ri’ eri wa’katelab’ chi’ kakitijo wi ki’laj taq wa, jastaq katijik xuquje’ chi’ kakik’owisaj wi ri nimaq’ij pa tinamit ri’, are la’ katob’an pa le uya’ik kichak ri winaq chi’ xuquje’ are kuwa’lijsaj uwach qatinamit.
Ruk’ le Nimatinamit ri’, e k’o nik’aj chik k’olib’al b’anoj wa’katem pa qatinamit are la’ kub’ano rech ke’opan chi’ ri winaqil rech qatinamit kuk’ ri kepe naj ri’, rumal ri’ chi’ k’ut qas kab’an wi nim chajinem kumal ri wokaj ajchajin tinamit, rech uterenb’exik ri b’anoj chajiinem ri’. Rumal ri’ eri Taqanel rech ri Operaciones rech ri División rech Seguridad Turística (Disetur) rech ri Wokajil Ajchajil Tinamit (PNC) xub’ij eri ajchajinelab’ chi’ kechajin wiri’, xuquje’ ri 14 delegaciones ri’, kakib’an chajinem q’atenik ri’ xuquje’ rech kakikub’isaj kek’oji chi’ ri winaq e ajwa’katel ri’.
Ri kakib’ij ri winaqil
Eri e ajk’ayinel kib’i’ Carlos xuquje’ Elder Huarcas, xkib’ij che pa le uq’ijol wa’ k’o k’i taq k’ayinem rech jastaq kab’an pa le Mercado rech Artesanías antigüeño, rumal e k’i winaq ke’opan pa le telenche’ telentyox ri’, pa uk’astatexik xuquje’ ri b’anoj alfombras, rumal nik’aj chik b’anowem. “Eri b’anoj videovigilancia xuquje’ ri kopanik pa aninaqil ri PNC, are la’ kuya uchuq’ab’ ri chajinem chi’ xuquje’ rech kaq’atexik ri b’anoj k’ax che ri kub’an k’ax chi ke ri winaq ke’opa chi’”, xecha’ ri winaqil xta ri kitzij.
Eri Marisol Aguilar xuquje’ ri Ariel Arriaga, e winaqil rech Casillas, Santa Rosa, xkib’ij che sib’alaj keki’kotik rumal ri chajinem tajin kumal ri reqa’lene ri Disetur ri’, rech qatzij b’a’ keta’ik kechajixik ri winaqil ke’opan chi’. “Rumal kuril ri chajinem tajin kumal ajchajin tinamit kuna’o jun nim kub’sib’al k’u’x joremal ri q’ij xopanik xk’oji pa le Parque Recreativo Cerro de la Cruz”, xcha’.
Kuka’yex pa uwachulew ri Iximulew
Eri Awas Q’ij ri’ are xq’alajisax ub’ixik che are Patrimonio Cultural Inmaterial kech Winaqil pa Uwachulew, rumal ri Organización rech Naciones Unidas rech ri Tijonem, ri Eta’mab’al xuquje’ rech No’jk’aslemal B’antajil ri’ (Unesco), are chi’ xb’an ub’ixik uk’utik wari’ rumal ri K’amal B’e Amaq’. Eri jun b’anowem ri’ rech ri qatinamit, are kuya uk’utik chi kuwach konojel winaq pa uwachulew, ri utz taq k’olib’am k’olib’em ri’, ri unimaq’ij ri b’anowem k’utub’alil kab’an chi’.