Pa uterne’xik ri utzukuxik kuwach taq nik’aj elaq’omab’ kakitoq’ij pwaq xuquje’ kamisanik, eri reqa’lenel ri División Especializada rech Investigación Criminal (DEIC) ri’, kuk’ ri reqa’lenel ri Wokaj Ajchajinelab’ rech ri Q’atel taq Pandillas kib’i’ (Dipanda) rech ri Wokajil Ajchajil Tinamit kib’i’ (PNC), xuquje’ ruk’ ri Ministerio Público ub’i’ (MP), xkib’an wajxaqlajuj chi puqchajinem tzukunik pa kachoch winaq, ri sib’alaj xkisolij xkitzukuj ri’ pa nimatinamit Iximulew, Mixco, Chinautla xuquje’ Amatitlán ri’.
Eri wokajil ajchajil tinamit xkib’ij loq che ri taqim ruk’ taq ri puqchajinem tuzkunik are rech kechap nik’aj uwinaqil ri mara salvatrucha xuquje’ rech kamol juntir ri jastaq q’alajisab’al ri b’anoj k’ax kib’anom ri’.
Eri q’atb’al tzij ri’ sib’alaj xkita xkib’ij chi ke ri winaq tinamit rech chakib’ij b’a’ pa le ch’aweb’alil 110 xuquje’ 1574 rech antiextorsión, rumal ri’ are la’ k’o nim upatanib’al rech kamaj utzukuxik uwach taq ri b’anoj kax ri’, rech kab’an ri puqchajinem tzukunik rech kechap nik’aj e ajb’anol taq k’ax ri’.
Sib’alaj katajin katzukuxik ri’, are la’ k’o na kaya ub’ixik utzijol ri’.