Eri ub’e’al utzukuxik uwach kumal e ajchajil tinamit e reqa’lenelab’ ri Departamento rech Investigación Contra ri Secuestros rech ri Wokajil Ajchajil Tinamit ub’i’ (PNC), xb’antaj kowonem k’ut xesax pa kq’ab’ b’anol k’ax jun q’apoj ala 16 ujunab’, pa le aldea Choaxán II, nimab’e kab’e pa Chinique pa Zacualpa, Quiché ri’.
Eri b’anoj puqchajinem tzukunik ri’ are la’ xb’antajik rech xterne’x ri jun b’iw ub’ixik loq pa le 18 rech julio kanoq, chi k’o jun q’apoj winaq xk’am b’i kumal elaq’omab’ pa Santa Cruz rech ri Quiché, chi rij k’ut eri nik’aj elaq’omab’ sib’alaj tajin xkitoq’ij Q 500 mil chi pwaqil rech kakitzoqopij ri’.
Eri wokajil ajchajil tinamit e are xkib’ij k’ut che are chi’ xkito utzijol ri’ eri comando antisecuestro sib’alaj xetob’anik chi ke ri rachalal ri q’apoj winaq eleq’am b’i, rumal ri’ man k’ot keb’ q’ij utz uwach xe’esataj loq pa kq’ab’ nik’aj b’anol k’ax.