Paq’ij 22 rech marzo ri’, eri reqa’lenel ri Comisarías, Unidades Especializadas xuquje’ ri Departamento rech Tránsito rech ri Wokajil Ajchajil Tinamit (PNC), xkib’an ri puqchajinem winaqil rech q’atenik k’ax ri’, rech uq’atexik ri b’anoj k’ax ri’chech ri kik’aslemalil ri winaqil e aj iximulew. Eri chajinem ri’ are la’ tajin maja’ na kamajtaj ri Cholchajinem rech pa Awas Q’ij, ri are kataq ub’anik rumal ri K’amal B’e Iximulew pa reqele’n ri Ministerio rech Gobernación (Mingob).
Rumal ri’, eri Taqawokajnel rech ri Chajinem pa Amaq’ xub’ij che ri ajchajil tinamit pa le k’olib’al chajinik kumal chi la’ kakil wi kitzijol ri winaqil we taqom ta kchapik ri’ xuquje’ rech kakilo we ri ch’ich’ xuqujuje’ ri kejach’ich’ we man e eleq’am taj. Jeri’ kakilo we man k’o jun winaq keqam ta b’i awan kunab’al, k’aqb’al ruk’ ub’aq’ k’aqb’al ri’
Xuquje’ k’o puqchajinem tajin ri’ rech kil pa kaqiq’ ruk’ ri helicópteros rech ri Unidad Aérea rech ri Ministerio rech Gobernación (Unagob), pa b’anoj tob’anem chi ke ri puq chajinel pa juyub’ che ri kechajinik pa nimab’e rech ri uk’u’x nimatinamit xuquje’ rech taq tinamit ri’, xcha’ ri taqawokajnel.
Ri chajinem kumal ajchajinel
Eri motorista Steven Castellanos xub’ij che ki’kotemal kuril ri chak chajinem tzukunik tajin kumal ri wokaj ajchajil tinamit rech uq’atexik keleq’axik ri kejach’ich’ xuquje’ ch’ich’ ri’. “Rumal ri’ kenusik’ij ri winaqil e aj chi’ rech chakib’ij loq pa aninaqil chi ke ri q’atb’al Tzij wexa’ kakilo jun b’anoj k’ax chi’”, xcha’.
Pa le b’anoj chajinem tzukunik ri’, eri winaqil e aj iximulew xe’opan ruk’ ri Ministro rech Gobernación rech xkimaltyoxij ri chak tajin rumal ri’, are chi’ tajin ub’anik ri solinem kumal ajchajil tinamit pa taq le K’olib’em Ya’olchajinem Tzukunik chi ke ri Ch’ich’ pa le bulevar Liberación, zona 13, colonia La Reformita, zona 12 xuquje’ pa le colonia Castillo Lara, zona 7 rech ri nimatinamit Iximulew ri’.