Are wa’ uwach ub’e’al ri cholchajinem xmajtaj ub’anik pa le Dirección General rech ri Sistema Penitenciario, pa reqele’n ri K’amal B’e, Sergio Samuel Vela López, we chanim kab’an ri chajinem ucholajil pa rachoch taq ri japache’. Rech kanimaxik ri kutaq ub’anik chi kech ri rajchak ri Wokajil Japache’, rech katerenb’ex ub’anik wari’, jeri’ kaq’atexik ri tz’ilon uwach ri ya’talil chi ke ri winaqil e tz’apil pa japache’.
Eri b’anone ri’ are taqom ub’anik rumal ri K’amal B’e rech ri Wokajil Japache’, are utaqom ub’anik rumal ri ministro rech Gobernación, Francisco Jiménez, rech kab’an ucholajil chajinem pa taq rachoch ri japache’ tz’apib’al xuquje’ rech man k’ot b’anoj k’a kakib’an apanoq chi kech ri winaqil e aj iximulew.
Pa uterenb’exik uchomaxik rilik ri b’iw b’ixik kumal taq winaq, pa qajib’al q’ij rech miércoles 31 rech enero ri’, eri K’amol Ub’e ri Wokajil Ajchajil Japache’ xub’ij chi e k’o oxib’ chi e ajchak rech ri japache’ rumal xkib’an itzelal xechapik. Are la’ k’o pa reqele’n ri nim no’jilen rech ri Centro Preventivo kech Ixoqib’, Pa Xe’laju’; chech ri subdirector rech ri Granja Modelo rech Rehabilitación Cantel, Xe’laju’ xuquje’ chech ri b’anol chajinem pawe rachoch japache’ tz’apib’al.
Eri tzukno’jchak ri’ are xq’alajisan ri’ eri e kajib’ ixoqib’ ri’ xe’esax b’i pa le Centro Preventivo kech Ixoqib’ ri maj pa usaqil ucholaj rech xek’am b’i pa jun b’insal ch’ich’ rech ri Granja Modelo rech Rehabilitación Cantel, ri keb’ rachoch japache’ keriqitaj pa rulewal nimatinamit Xe’laju
Eri e oxib’ chi winaq xechap kumal reqa’lenel ri Wokajil Ajchajil Tinamit xuquje’ rech xek’am b’i pa q’atb’al tzij, rumal ri kimak ri kax xkib’ano.
Pa b’anon ri saqilemal ri’, eri ,K’amoj Ub’e ri Sistema Penitenciario kub’an jun sik’inib’al chi kech konojel ri winaqil rech chakib’ij b’a pa le 1533, ronojel ri b’anoj k’ax kakilo, rech kaq’atexik ri b’anon elaq’nik pa taq rachoch ri japache’ tz’apib’al winaq.