Eri rajilab’al ri b’anoj k’ax pa we amaq’ rech ri nab’e q’ij rech enero pa le 22 rech marzo rech 2020 rumal ri Wokajil Ajchajil Tinamit, xuya’ ub’ixik che k’o 512 chi achijab’ xkib’an k’ax ri’ xuquje’ e k’o 81 chi ixoqib’ chi ke, pa konojel ri’ k’o 4 mil 048 chi winaqil xechapataj loq.
Eri b’anoj k’ax che ri qas xb’antaj ri’ are b’anoj ch’ayonik rumal ri’ e k’o 442 chi winaqil xechap loq, e k’o 361 winaq xechapik keqam k’aqb’alil, k’o 230 xechapik rumal b’anoq elaq’ chi ke winaq pa tinamit, xuquje’ k’o 156 chik ri’, k’o 199 b’anoj k’ax pa taq kachoch winaq xk’ulmatajik, k’o 78 chi toq’inik pwaq xb’antaj ri’.
rumal ri’ eri Erwin Mayen, K’amal b’e rech PNC, xub’ij che ri b’anoj k’ax ri’ are sib’alaj xqaj uchuq’ab’ xuquje’ pa le korlim ya’olchajinik pa le uq’ij ri k’ax yab’il ri’ xuquje’ rumal ri Toque de Queda ri’.
“Xq’atataj 300 chi b’anoj kamisanik man junam ta ri’ ruk’ ri junab’ 2019, are chi’ xok’ow pa rajilab’al ri b’anoj k’ax ri’, rumal ri’ eri reqa’lenel ri ajchajil tinamit ketajin pa chajinik pa taq uxo’l ja pa tinamit chi’ k’u ri’ e k’o k’i b’anol k’ax e toq’inel pwaq kichapom chik xuquje’ kuk’ ri winaqil che ri xkinimaj ta ri xutaq ub’anik rumal ri k’amal b’e amaq’, xcha’ ri Mayen.
Xuquje’ e k’o 2 mil 227 chi e ajb’inisal ch’ich’ xechap loq, k’o 1 mil 214 chi ch’ich’ xechap kanoq rumal xkisokopij kib’ pa taq nimab’e xuquje’ k’o 2 mil 496 e q’ab’arelab’ xechap loq.
Xuquje’ k’o 4 mil 48 chi winaqil xechap loq, pa achijab’ e ixoqib’ ri’ kuk’ e q’apojil ri’ rumal ri’ eri q’atb’altzij tajin kakipixb’ej ri winaqil rech chakinimaj b’a’ tzij rech kakib’an ta chi k’ax ri’.
Rumal ri’, pa we ik’ ri’ tajin xqaj loq pa rajilab’al ri b’anoj k’ax kamisanik ri’ man junam ta ri’ ri xk’ulmataj kanoq pa enero xuquje’ febrero rech pa junab’ ri’.
Eri rajilab’al kumal e ajchajil tinamit are kuk’utu che pa enero e k’o 1 mil 565 chi winaqil xechap loq, pa febrero e k’o 1 mil 441 xuquje’ pa marzo e k’o 1 mil 042.
Eri b’anoj tzukunem ya’olchajinik ri’ are xtaq ub’anik rumal ri k’amal b’e amaq’ Alejandro Giammattei xuquje’ rumal ri Ministro rech Gobernación Edgar Godoy, jacha’ ri k’o pa le uchak ri Taqawokaj ri’.