Sib’alaj katajin rilik usolixik ri’ we man k’ot winaq ri’ keq’ax tane’ pa nik’aj chik tinamit ri’, rumal eri reqa’lenel ri Departamento rech Tránsito rech ri Wokajil Ajchajil Tinamit (PNC), pa komonb’al chajinem kuk’ ri e ajchajinelab’ rech ri Comisaría 13, ri xkikoj jun k’olib’al kachajixik ri ch’ich’ ke’ok’ow pa le kilómetro 40.5 rech pa nimab’e kab’e El Salvador.
Pa le ya’olchajinik ri’, are katajin kachajixik eri e ajb’inisal ch’ich’ keb’e taq pa jun chik tinamit ri’, man je ta ri’ chi ke ri winaqil che ri keq’axik rech keb’e pa chak pa jun chik tinamit ri k’o naj che ri kachoch ri’.
Are wa’ xya’taj ub’ixik rumal ri k’amal b’e amaq’ pa le k’isb’al wuqq’ij kanoq, are uwach b’anikil rech kaq’atexik ri jun k’ax yab’il Covid-19 ri’, pa le Awas Q’ij.