Eri Gendri Reyes, Nab’e Viceministro rech Seguridad, rachb’ilam ri K’amal b’e rech ri Wokajil Japache’, xe’opan pa le Centro Carcelario Pavoncito, rech xkinimaj ri xtaqon wi ri K’amal b’e Amaq’, Alejandro Giammattei xuquje’ rumal ri Ministro rech Gobernación, Edgar Godoy chi’ k’u ri’ rech xe’opan che uk’amik ri 10 mil rech kuchb’al kichi’ winaq ri b’anom loq kumal ri e tz’apil pache’ ri’.
Are wa’ ri xya’taj ub’ixik rumal ri K’amalb’e Amaq’ Giammattei, che ri rajawaxik xkichakuj ri’.
“Uj k’o pa jun k’ax yab’il ri’, rumal ri’ are rajawaxik ri’ xuquje’ are wa’ sib’alaj kaqamaltyoxij ri chak b’anom ri’, are k’o nim upatan chaqe ri jastaq ri’ xiya’ loq ix, xuquje’ qonojel b’a’ kaqamulij qib’ pa le jun b’antajil ri’”, xcha’ ri Reyes.
Xub’ij chik che we jun chakunem ri’ b’anom kumal ri e ajpache’ rech kuya’ uchuq’ab’ rech kakisuk’umaj kib’, are wa’ qas karaj le Nim k’amal b’e Amaq’ ri’ xuquje’ are xtaq ub’ixik che ri Mingob xuquje’ che ri Wokajil Japache’ rech kanimaxik, are wa’ rech kachakux kumal ri e tz’aipil pache’ ri’ xuquje’ rech ruk’ wa’ kakitzuqu ri kachalal e k’o pa taq kachoch xuquje’ are wa’ jun tob’anik kakib’an che ri Taqawokaj pa Amaq’ xuquje’ chi ke ri winaqil pa tinamit.
“Maltyox b’a’ ch eri chak ketajin che ub’anik ri’ rumal ri’ kenuki’kotirsaj kuwach kib’antajil, xuquje’ re wa’ kinmaltyoxij, rumal k’ut qeta’m che tajin kek’ask’atik che ub’anik ri’, rumal k’ut are wa’ jun nim rajawaxik, rech kakikoj konojel ri winaqil ri’, jeri’ chi ke ri rajchak ri taqawokaj pa amaq’ rumal k’ut eri jun sipanik ri’ are wa’ kataq b’i che ri q’atb’altzij rech Patzún, Chimaltenango, chi’ k’u ri’ keraqataj wi e wuqub’ winaq k’o ri k’ax yab’il chi ke ri’.
Pa k’isb’alil eri Viceministro xub’ij che we jun chakunem ri’ are wa’ uwach ri suk’umanik kib’ ri e ajpache’ katajinik, are wa’ kub’ano rech kak’oji utzalaj taq b’anikilem ri’ rech aretaq katz’aqat utojik ri kimaj ketz’apib’ pa japache’ pa kijujunal, k’o jun k’aslemal kakiraqo aretaq keb’e loq pa kachoch ri’.