Are taqim k’ut katzukuxik kariq ri nik’aj e ajb’anol k’ax ri’, rech utzukuxik taq k’aqb’alil rech q’atenik b’anoj k’ax ri’, rumal ri’ eri reqa’lenelab’ ri comisarías xuquje’ ri unidades especializadas rech ri Wokajil Ajchajil Tinamit (PNC), paq’ij iwir xkib’an k’i taq tzukunem ri’ xuquje’ chajinem winaqil rech uq’atexik b’anoj k’ax chi ke pa nimatinamit ri’.
Eri reqa’lenel ri ajchajil tinamit ri’ xkitaq kiwujilal kitzijol ri e ajb’inisal ch’ich’ rech xkilo we man k’ot jun chi ke taqom uchapik, xuquje’ rech xkilo we man k’ot Itzel jastaq keqam tane’ rech kakikoj pa b’anoj k’ax tane’ chi ke ri winaqilal ri’. Jeri’ xb’ixik che xtaq kitzijol ri ch’ich’, ri kejach’ich’, ri ch’ich’ rech erelwinaq, ruk’ taq ri nitz’ ch’ich’ ri’ xuquje’ kuk’ ri ch’ich’ rech b’anob’al eqa’n ri’ rech we man k’ot eleq’am b’i ri’.
Rumal ri’ k’o chajinem xb’an chi rij taq kejach’ich’ xuquje’ che kaqan ri’ pa taq ri wokja che ri qas kab’ixik kab’an wi ri k’ax, chi la’ k’ut eri q’atb’al tzij xkisolij wi kitzijol ri winaqil pa tinamit ri’ xuquje’ rech xkib’an rilik we man k’ot jun reqam tane’ k’aqb’alil ri maj uwujilal, xuquje’ rech we man k’ot jun reqam b’i awan kunb’al tane’ ri’
Ruk’ ri b’anoj tzukunem solinik ri’ are la xunimax ub’anik uwach ri cholchak rech puqchajinem tzukunik che ri taqom ub’anik rumal ri K’amal b’e Amaq’ Iximulew ri’ pa le upatanil ri Ministerio rech Gobernación (Mingob), rech kaq’atexik ri b’anol k’ax ri’, rech kechajixik ri winaqilal xuquje’ rech uq’atexik ri b’anoj k’ax pa qatinamit.