Are taqim ya’el uchuq’ab’ ri b’anoj tijonem suk’umanik chi ke ri e tz’apil pache’ ri’, rumal ri’ eri Dirección General rech Sistema Penitenciario (DGSP) sib’alaj katajin che b’anoj ruk’ k’i uwach taq k’uttijonem ri’.
Are wa’ uwach ri tijonik ub’i’ Productividad xuquje’ Desarrollo, e k’i e tz’apilik pache’ ketajin pa le nab’e uq’attijonem pa le Granja Modelo rech Rehabilitación Pavón, pa Fraijanes ri’, ri xuquje’ ketajin pa le cholpatanem rech tiko’nem ichaj ri’.
Ri tijob’enik
Eri tijonem ri’ are kumaj keb’ uwach taq wuqq’ij ri’. Rech ketijox ri e tz’apil pache’ rech kakich’ob’ uchakuxik ri ulew rech b’anoj tiko’n, rech kakitik k’i uwach ija’, rech kakich’ob’ uya’exik, rech kakijach uwach tiko’n che’ xuquje’ rech kakich’ob’ uya’ik ukiy ri’, xuquje’ rech kakich’ob’ ula’wchexik tiko’n ichak ri’, ruk’ reta’maxik nik’aj chik b’anoj ri’.