Are wa’ uwach ri ub’e’al cholchak tijonem chi ke e ajchajil tinamit ri xtaq ub’anik rumal ri ministro rech Gobernación, David Napoleón Barrientos, chi ke reqa’lenel ri jalajoj kuwach ri Wokajil Ajchajil Tinamit (PNC), kab’an jun tijonem ub’i’ Soporte Vital pa le Escuela rech Especialidades rech ri wokajil, zona 6 rech nimatinamit ri’.
“Eri utaqim we b’anoj tijonem ri’ are rech kaya’ uchuq’ab’ eta’mab’al b’anoj chak kumal e ajchajil tinamit ri’ we xa’ are chi’ k’o k’axk’onem kak’ulmataj tane’ ri’ pa we amaq’, xuquje’, ketijoxik chi rij reta’maxik q’atenik ri kik’ we kajipirik, rech kawupuj ukaqiq’ winaq rech kek’asb’ik, rech kakik’am b’i winaq kesakatajik ri’”, xcha’ le Jorge Mario Cifuentes, rech ri Subdirección General rech Salud Policial (SGSP) rech ri PNC.
Eri Fernando Murillo rech ri Wokajil Ajchajil Tinamit xub’ij “Are wa’ jun b’anoj sib’alaj utz reta’maxik kumal e ajchajinel ri’ rech kakik’utu che k’o kanima’ rech uq’atexik ri k’axk’onem kariqitaj ri’, rech pa aninaqil keb’e che rilik ri’”.
Eri k’uttijonem ri’ are la’ kaya’taj ruk’ utob’anik ri Unidad rech Operaciones Especiales pa Emergencias xuquje’ Desastres (Ponalsar) ri’, rech ri Wokajil Ajchajil Tinamit rech Colombia xuquje’ ri Oficinas rech Asuntos Internacionales rech Narcóticos xuquje’ Kojb’al rech ri Taqanem tzij rech ri Estados Unidos (INP, are ub’i’ pa inglés ri’).