Eri Wokaj Ajchajinelab’ rech Investigación Criminal (DEIC) rech ri Wokajil Ajchajil Tinamit (PNC), pa komonchak ruk’ ri Ministerio Público (MP) paq’ij oxib’ rech febrero ri’ xkib’an k’i taq b’anoj tzukunem, solinik ri’ xuquje’ rech xkik’am b’i jastaq q’alajisab’al pa taq nimaja k’o pa nimatinamit Iximulew, pa Suchitepéquez, pa Chimaltenango xuquje’ pa Izabal ri’.
Eri b’iw b’ixik kumal e ajchajin tinamit are xkib’ij ri’ eri taqim ruk’ ri tzukunem ri’ rech kariq ri jastaq maj pa usaqil ri are la’ k’o kuq’alajisaj uwach pa taq ri tzukunem katajin ri’ ch irij taq elaq’, elaq’an ch’ich’, chi rij kamisan ixoqib’ xuquje’ chi rij Itzel b’anoj k’ax chi ke ixoqib’. Xuquje’ rech kechap ri’ ri winaq e ajb’anol k’ax ri’.
Eri tzukunik kumal ajchajin tinamit
Pa keb’ q’ij chik tajin ri tzukunem kumal ri reqa’lenelab’ ri Comisarías xuquje’ ri Unidades Especializadas rech ri PNC ri’, rumal ri’ xb’antaj kowonem xechapatajik e 45 chi winaqil e ajb’anol taq k’ax ri’. Xuquje’ e k’o 26 chi winaqil xechapataj ri’ rumal xtaq kichapik rumal ri q’atb’al tzij rech pa qatinamit.
Xuquje’ eri wokajil ajchajil tinamit ri’ xkiriq k’ut waqib’ chi k’aqb’alil maj uwujil eqam ri’ xuquje’ k’o oxib’ chi kejach’ich’ xuquje’ jun ch’ich’ ri kab’ixik xeleq’ax pa kaq’ab’ ri e ajchoq’e ri’. Eri q’atb’al tzij ri’ xkiya ub’ixik chi ke ri tinamit rech chakiya b’a’ ub’ixik kitzijol ri e ajb’anol k’ax pa le 1561.