Eri Dirección General rech ri Sistema Penitenciario (DGSP) ri’, xtaq rumal ri Ministro rech Gobernación, David Napoleón Barrientos ri’, rech kuterne’j ub’anik jun nimaq’alanem rech uq’atexik k’ax pa juntir ri wokaj rachoch ri japache’ rech pa we Amaq’ ri’.
Rumal wari’, pa le 27 rech septiembre ri’ xmajtaj upatanexik ri cholchak rech ri ya’olchajinem tzukunik ub’i’ Control 1, rech taqim b’anoj chajinem solinik pa le nimawokaj japache’ tz’apib’al ri’.
Eri b’anonem ri’ are la’ tajin ub’anik kumal reqa’lenelab’ ri Inspectoría General rech ri Q’atanem Upatanexik pa Japache’ Tz’apib’al ri’, kumal ri jalajoj chakub’anl rech ri Wokajil Ajchajil Tinamit ri’ (PNC) xuquje’ ruk’ utob’anik ri Wokajil e Ajchajil Amaq’il Iximulew ri’.
Eri q’atb’al tzij xkib’ij eri b’anoj puqchajinem ri’ are la’ rech kaq’atexik juntir uwach jastaq maj utz taj rech ke’ok ta japache’ ri’, rumal k’u ri’ sib’alaj tajin b’anoj utzukuxik pa juntir taq ch’ich’ keb’inisax ri’ xuquje’ rech tajin kasolixik ri winaqil che ri ke’opan pa solinik pa japache’ ri’.