Eri Wokajil Ajchajil Tinamit (PNC) ruk’ utob’anik ri Ministerio Público (MP), paq’ij lunes ri’ 19 rech diciembre xkib’an jun nimalaj tzukunem, solinik pa kachoch winaq xuquje’ xkik’am b’i ri jastaq rech q’alajisab’al ri k’ax xb’an pa uk’u’x nimatinamit, pa Mixco, xuquje’ pa le aldea San José, pa San Pedro Pinula, Jalapa ri’.
Eri puqchajinem tzukunik are xb’antaj rumal ri Wokaj Ajchajinelab’ rech Q’atenik taq ri Pandillas (Dipanda) xuquje’ rumal ri Wokaj Ajchajinelab’ e ajtzukno’jchak (DEIC) ri’, pa uriqik ri awan kunb’al rech kuya’ uchuq’ab’ ri tzukunem tajin chi rij taq ri toq’inik pwaq kumal ri e elaq’omab’ ri’ rech keq’atexik xuquje’ rech kaq’atexik uwach taq ri k’aqb’alil ri’.
Xuquje’ taqom kichapik nik’aj ajb’anol taq k’ax. Rumal ri’ eri q’atb’al tzij sib’alaj kakisik’ij ri winaqil ri’ rech kakib’ij jawchi’ kariqitaj wi b’anoj k’ax pa le 110 kuk’ e ajchajil tinamit, xuquje’ pa le 1574 rech antiextorsiones ri’ xuquje’ pa le 1561 rech Crimen Stoppers.