Eri komonchak kumal ri Wokajil Ajchajil Tinamit (PNC), ri Wokajil Ajchajil Amaq’ Iximulew xuquje’ ri Ministerio Público (MP), xriqitaj 1 mil 720 chi pisoj rech awan kunb’al, are chi’ xriqitaj paq’ij domingo 18 rech diciembre pa jun nimajukub’ pa uwi palow rumal ri Comando Naval rech ri Pacífico, San José, Escuintla ri’. Eri chakub’al ri’ are xriqitaj rumal ri Marina rech ri Defensa Nacional paq’ij viernes 16 rech diciembre ri’ pa uwi nimaplaow ub’i’ Pacífico ri’ xuquje’ are xk’am b’i rumal ri Comando ri’ rech kasolix uwach utzijol kumal ri q’atb’al tzij ri’.
Chi la’ k’ut, eri reqa’lenel ri Subdirección General rech Análisis rech Información Antinarcótica (SGAIA), xkib’an rilik retaxik ri awan kunb’al xriqitaj ri’ are la’ xq’alajinik tzij che ri cocaína ri’.
Xuquje’ e k’o oxib’ chi winaqil xechapataj ri’ e sudamericano ri e xeriqitaj pa le jun nimajukub’ ub’i’ sumisumergible ri’. Eri awan kunb’al xriqitaj eri rajil are Q 176 millones 715 mil 810 ri’.
Eri puqchajinem tzukunik riqonem ri’ pa unimaxik ri ub’e’al ri chajinem tuzkunem taqom ub’anik rumal ri Nimataqawokajnelab’ Iximulew ri’, rumal ri Ministerio rech Gobernación (Mingob) xuquje’ rumal ri Ministerio rech ri Defensa Nacional rech yab’al uchuq’ab’il ri chajinem kaq’atexik ri narcotráfico ri’.