Pa jalajoj taq wokja pa nimatinamit Iximulew tajin uterne’xik ruk’ usuk’umaxik ri uk’olib’al taq uxlanib’alil pa tinamit kumal reqa’lenelab’ ri Wokajil Ajchajil Tinamit (PNC), ruk’ ri utob’anik ri Agencia Japonesa rech Cooperación Internacional (JICA). Eri suk’umalil ri’ are utaqim usuk’umaxik ri k’olib’alil k’o pa nimatinamit rech sib’alaj je’l utz le rilik kakoj kumal ri winaqilal e aj iximulew, kumal ri ak’alab’il xuquje’ e q’apojil rech qatinamit.
Pa taq le q’ijol ri’, eri wokajil ajchajil tiamit kuk’ ri winaqilal xuquje’ ri k’amal b’e rech JICA xkib’ano jalajoj taq uwach mesnem xuquje’ ukunaxik ri k’olib’alil uxlanib’al pa tinamit rech xchupisaxik rachib’al taq Itzelal tz’ib’am kumal ri pandillas ri’. xuquje’, ri b’anoj utz taq rachib’al jastaq ruk’ taq oqxa’ntzij b’ixik rech k’amansaxik chke ri winaqil rech k’o ri kakib’ij loq xuquje’ rech q’atenik taq ri b’anoj k’ax pa k’olib’al winaqilal.
K’ate ri’, eri reqa’lenel ri Departamento rech Coordinación rech Policía Comunitaria rech ri PNC, ri e ajtijoxel xuquje’ ri winaqil rech chi la’ xkimol kib’ rech usuk’umaxik ri parque infantil rech ri sector Nuevo Amanecer II, zona 7 rech nimatinamit. ruk’ ri uxlanib’al ri’ e wuqlajuj chi k’olib’al uxlanb’alil e suk’ub’am pa jalajoj taq k’olib’alil rech ri nimatinamit pa junab’ ri’.
Eri usuk’umaik ri k’olib’al taq uxlanb’alil pa tinammit are la’ uwach ri Proyecto Policía Comunitaria, Fase II, che ri kuya uchuq’ab’’il ri b’anon k’amq’ab’ kumal ri wokajil ajchajil tinamit kuk’ ri winaqilal e aj iximulew.
Eri cholchak ri’ are la’ katob’anik rech ya’ik uchuq’ab’ ri b’anoj ya’olchajinem xuqsuje’ ri q’alanik rumal ri K’amal b’e Amaq’ Iximulew pa reqele’nchak ri Ministerio rech Gobernación (Mingob) rech ri kachajixik ri winaqilal xuquje’ ri q’atenik b’anoj k’ax.