Are wa’ uwachinem ri nab’e taq tzukunem ri’ rumal k’ut pa nimaq’ab’ we q’ij kamik 24 rech octubre xmajtaj wa’ rumal ri Ministerio rech Gobernación (Mingob), pa upatan ri Wokajil Ajchajil Tinamit (PNC), xkimaj kichapik e kajib’ chi rajchajinelab’ ri Subestación 71-22 rech ri cantón Chupol, Chichicastenango ri’.
Eri xechapataj ri’ e are a Carlos Mauricio Sajbín Teletor, 28 ujunab’, a Rudy Modesto Villacinda Agustín, 33 ujunab’, a Domingo Cruz Medina, 33 ujunab’ xuquje’ a Cándido Neptaly Baten Pérez, 30 ujunab’; are xtaq kichapik rumal k’o winaq xkik’am b’i are chi’ ketajin pa kipatan ri’, rumal ri’ xtaq kichapik rumal ri Q’atb’al tzij rech rulewal nimatinamit Iximulew ri’.
Rumal ri’ eri Subdirección General rech Investigación Criminal (SGIC) ri’ xkiya utzijol che ri xkichap loq a Henry Yovani Cobón Crúz ri’, a Evelio Orlando Gómez Gómez ri’, a Julio Cesar Pérez Velásquez ri’, a Andrés Antulio Ambrocio Ambrocio ri’, a Antonio Simaj Lux xuquje’ al Lesbia Yolanda Valenzuela de la Rosa de Galicia ri’, e are kab’ixik e are kakiq’axe’j b’i winaq e aj iximulew, rech Centroamérica xuquje’ rech Sudamérica ri’, ruk’ utob’anik ri Ministerio Público (MP) ri’.