Are taqim k’amq’ab’ chi rij tob’anem ri’, rech yab’al uchuq’ab’alil ri tzijolil kumal ri wokaj q’axal tzij ri’, xuquje’ rech pa komonchak kab’an ri ya’olchajinem kub’sib’al k’u’x pa rulewal taq nimatinamit, rumal ri’ eri Ministro xuquje’ ri Viceministros rech ri Ministerio rech Gobernación rech Guatemala, xkimol kib’ pa jun nim riqb’al chomanem kuk’ ri q’atb’al tzij rech Centroamérica, México xuquje’ República Dominicana, pa le Salón Mayor rech pa nim rachoch ri Taqawokajnem rech Ya’olchajinem pa Amaq’, zona 1 rech uk’u’x nimatinamit ri’. Eri riqoj ib’ are xb’an pa keb’ q’ij rech febrero pa le uq’ijol b’anob’alil ri Nab’e Nimachomanem pa Rulewal taq Nimatinamit kumal Ministros xuquje’ Secretario rech Chajib’al ri’.
Rumal ri’ eri K’amal b’e Amaq’ xub’ij che pa le riqoj ib’ ri’ eri ajchomanelab’ xetzijon chi rij ri chajinem katajin, are ri nab’e xchomax uwach rech ri q’atenik k’ax xuquje’ rech kapatanexik ri ya’olchajinem, rech qas b’a’ keq’atexik ri nuk’wokaj b’anol taq k’ax, ri narcotráfico ri’, ri pandillas, ri k’ayin k’aqb’al maj pa usaqilal ri’, rech q’atenik b’anoj ch’ijom k’ax chi ke winaq xuquje’ kiq’axenik ri winaq maj kiwujil keqam, ruk’ nik’aj chik ri’.
Ri tajin ub’anik
Eri Taqawokajnel rech ri Ya’olchajinem pa tinamit Iximulew xub’ij che we jun riqb’alil kuk’ ri q’atb’al tzij rech ya’olchajinem rech México ri’, El Salvador ri’, Costa Rica ri’, Honduras ri’, Belice ri’, xuquje’ República Dominicana, xchomax ri’ rech kaya uchuq’ab’il ri komon tob’anem ri’ xuquje’ ri q’axeb’al tzijolib’al are rech pa rulewal taq nimatinamit.
Xuquje’ xchomax ub’anik ri cholchak ri’ xuquje’ rech xya uchuq’ab’alil ri komonchak pa jujun taq Amaq’il nimatinamit.
xuquje’ xb’an pa wokajil ri chomanem chi rij ri ya’olchajinem pa tinamit pa le rulewal taq ri puq nimatinamit xuquje’ rech kaq’atexik ri nuk’wokaj b’anoj k’ax pa taq nimatinamit, xcha’ ri ajpatanel aj iximulew.
Rumal ri’ eri Ministro rech Seguridad xuqje’ Justicia Pública rech El Salvador, Gustavo Villatoro ri’, xub’ij k’ut che kaya uchuq’ab’alil ri chajinem kumal ri puq taq nimatinamit rech qas tzij b’a’ kab’an kaq’atexik ri nik’aj pandillas ri’. “Rumal ri’ kojtajin pa komonchak ruk’ Iximulew, rech qas keq’atexik kechapik ri uwinaqilal ri nik’aj molaj b’anol k’ax, ri qas tajin kakib’an ri k’axk’onem pa le puq nimatinamit pa kulewalil ri’”, xcha’.
Wokaj chomanelab’
Pa le riqb’alil chomanem, chi’ xk’oji ri Ministro rech Asuntos Internos xuquje’ Industrias rech ri Nuevo Crecimiento rech Belice, Kareen Musa ri’; xk’oji ri Ministerio rech Interior xuquje’ ri Policía rech República Dominicana, Jesús Vásquez Martínez ri’; xk’oji ri Ministro rech Seguridad xuquje’ Justicia Pública rech El Salvador, Gustavo Villatoro ri’; xk’oji ri Subsecretario rech ri Secretaría rech Seguridad xuquje’ Protección Ciudadana rech México, Luis Rodríguez Bucio ri’; xuquje’ are jun xk’oji ri Viceministro rech Unidades Especiales rech ri Ministerio rech Seguridad Pública rech Costa Rica, Martin Arias Araya ri’, ri Subdirector General rech ri Policía Nacional rech Honduras, Juan Aguilar ri’ xuquje’ ri wokaj ajchakunelab’ rech jujun taq nimatinamit xek’oji pa riqoj ib’ ri’.