Pa jun nimatzijolinem ri’, eri viceministro rech Seguridad, Carlos Franco Urzúa, ri k’amal b’e rech ri Wokajil AJchajilTinamit ub’i’ (PNC), Héctor Hernández xuquje’ ri fiscal rech q’atel ri Delito rech Extorsión ri’ uq’ab’il ri Ministerio Público (MP), Emma Flores ri’, xkiya utzijolil rech ri ya’el uchuq’ab’il ri Divisiones rech Investigación xuquje’ Inteligencia Criminal Policial ri’ rech q’atel ri b’anoj k’ax toq’inik pwa ri’ kumal taq ri pandilleros rech ri Barrio 18, MS xuquje’ kumal ri kikojom kib’ pacha’ ri e are ri’.
Eri Carlos Franco, viceministro rech Gobernación, xub’ij eri 14 por ciento ri b’anoj taq toq’inik pwaq are sib’alaj tajin kumal ri nik’aj pandilleros, eri 81 urajilab’al are kumal ri nik’aj kib’i’ “imitadores” xuquje’ eri 5 chik are kumal taq winaq ri’ ri xa’ kakikoj kib’ che e mareros rech kakitoq’ij pwaq chi ke ri e ajk’ayib’ xuquje’ ri e ajchoq’e kuk’ e ajb’inisal ch’ich’ ri’.
“K’o ri’ jun komon chomanelab’ chi rij q’atenik taq toq’inik pwaq, ri wokotal uwach rumal ri MP xuquje’ kumal ri jalajoj taq jachakub’al rech ri PNC rech kakitzukuj uwach uq’atexik wari’ pa we Amaq’ xuquje’ e are kib’anom nima’q taq puqchajinem tzukunik ri’, rumal ri’ e k’o ixoqib’ xuquje’ achijab’ e chapom ri’ ri kqajom uk’olib’al kikolme’r pa rachoch k’olme’ ri’” xcha’ ri ajpatanel.
Ri q’atom chik tzij ri’
Rumal ri’ eri fiscal Emma Flores, sib’alaj xub’ij che ri rumal ri b’anoj k’ax ri’ e taqom chik pache’ e 587 chi winaqilal, xuquje’ chi rij nik’aj chik b’anoj k’ax ri’; jeri’ tajin kitaqik pache’ e 904 chi pandilleros ri’, e k’o 611 xeximitaj pa q’atb’al tzij ri’ xuuje’ e k’o 1023 ketajin pa q’atb’al tzij rech keb’e pache’ ri’.
Eri k’amal b’e rech ri PNC, Héctor Hernández, xub’ij che ri reqa’lenel ajchajil tinamit k’o nim keta’mab’al rech kakichomaj ri winaqilal ri’ xuquje’ rech are kik’utum ri’ pa taq le kaq’atexik ri nik’aj molaj b’anol k’ax uquje’ ri pandilleros ri’.
Eri toq’inik pwaq ri’ are la’ b’anoj q’atoj toq’inem pwaq korme’l kab’an ruk’ xib’inik chi ke ri winaq rumal we man kakitoj taj kab’ij chi ke chi kekamisaxik kumal nik’aj pandilleros ri’.
Pa k’isb’al ri’ eri q’atb’al tzij xeq’alan chi ke ri winaqilal, rech kakiya taq ri k’olib’al kikorme’l k’o pa kib’i’ chi ke nik’aj pandilleros ri’ rumal are la’ jun b’anoj k’ax ri’.
Eri ch’aweb’alil kech’aw wi loq ri winaq e aj iximulew are b’a pa le: 110 rech PNC, pa le 1561 pa le MP xuquje’ pa le 1564 rech Crim Stoppers, chi la’ k’ut kak’ul wi ri kakib’ij ri’.