Are rech pa amaq’el kab’an ri chajinem tzukunik pa rachoch pache’ tz’apib’al ri’, xuquje’ rech uq’atexik taq ri b’anoj toq’inik pwaq, eri reqa’lenelab’ ri División Especializada rech Investigación Criminal (DEIC), ri Wokaj Ajchajinelab’ rech Q’atenel taq Pandillas (Dipanda) rech ri Wokajil Ajchajil Tinamit (PNC), kuk’ rajchajinelab’ ri Sistema Penitenciaria (SP) xuquje’ rumal ri Ministerio Público (MP) ri’, xkib’an jun nimalaj solinem pa taq ri jalajoj nimaja k’olib’al rech ri Granja rech Rehabilitación Penal Cantel, Xe’laju’ ri’ xuquje’ pa le japache’ tz’apib’al rech Chuwi’meq’ina’.
Pa taq le b’anoj tzukunem ri’ xriqitajik 20 chi ch’aweb’alil, keb’ routers, jun jek’ib’al retal ch’aweb’al, keb’ pajib’alil, ruk’ yab’al uq’aq’nil ch’aweb’alil, ruk’ taq puch’b’al pusb’al, jun batería, yab’al qulaj, tob’al q’axeb’al tzij xquuje’ ruk’ taq kolob’ch’ich’ rech internet xuquje’ telefonía ri’, xcha’ ri wokaj ajchajinelab’ ri’.
Eri puqchajinem are xb’antaj kumal ri wokajil ajchajil tinamit pa taq rachoch japache’ tz’apib’al pa we Amaq’, rech xtzukuxik jastaq q’alam uwach rech kakoj taq chi la’ k’ut rumal maj pa usaqilal, rech are kakoj pa b’anoj k’ax chi ke ri winaq keriqitaj chi’.
Rumal ri’ eri q’atb’al tzij rech ya’olchajinem xeq’alan chi ke ri winaq e aj iximulew rech chakib’ij b’a’ pa le ch’aweb’al 110 kuk’ e ajchajil tinamit, pa le 1574 rech kuq’atej toq’inik pwaq xuquje’ pa le 1561 rech Crime Stoppers. Juntir ri kakib’ij ri winaq ri’ are pa awalik ub’ixik ri’.