Pa le q’axal tob’al tzij pa uwachwuj rech ri Ministerio rech Gobernación, “Mingob Radio”, xb’an unimaq’ij rech xopan pa waqib’ ujunab’ ri; rumal k’ut are xk’utun ri’ pa le 7 rech diciembre rech ri 2017. Are chakum kumal e ajno’jchakunel rech kakiq’axej utzijolil ri’. are la’ uchak ub’anom ri’ pa le utzijob’exik chi ke ri winaqilal pa tinamit rech kutzijoj ri tajin kakichakuj ri uchakuja uq’ab’il ri Taqawokajnem rech ri Ya’olchajinem pa Amaq’ ri’.
Ri nuk’wach ri’ kukoj jalajoj taq b’ixonem, tzijolinem, tzijolil, b’anob’alil xuquje’ etz’eb’enik. K’o ri’ uq’axeb’al tzij ub’i’ “La Cabina”, rumal ri Periodista Profesional, Flor Ortíz. Chi’ k’ut ketzijob’en wi ri q’atb’al tzij chi rij taq ri kichakum ri’ pa kaq’atexik taq ri narcotráfico, ri molaj b’anol k’ax xuquje’ uq’atexik taq k’ax ri kab’an pa taq nimatinamit e k’o apanoq.
K’o ri q’axeb’al tzij ub’i’ “La Radiola xuquje’ Murmullos del Hormigo”, q’axim rumal ri Locutor Profesional, Jorge Ranchos, k’o jun q’axeb’al tob’al b’ixonem rech na’tib’al ri’ xuquje’ k’o q’ojomanem kaq’axexik ub’i’ teclas morenas de la Marimba, ri keq’ojoman ri q’ojomab’al rech Iximulew. Eri “Cafecito Deportivo, are q’axim rumal ri Profesional rech ri Comunicación, Hugo Toledo, pa nimalaj q’axeb’al tob’al chi ke ri totab’anelab’ che ri kek’ejeb’ che uta’ik utzijolil rech etz’anemb’al rech qatinamit ruk’ ri rech nimatinamit rech pa uwachulew.
Xuquje’ k’o jun q’axeb’al ub’i’ “Luces y Notas”, are ri’ jun cholq’axeb’al tzij rumal ri a Alexander Coxaj, rumal al Mishelle Ruwett xuquje’ rumal a Josué Chiquín, rech kakiya utzijolil chi ke ri winaqilal totab’anelab’ chi rij taq nimaq’ij kab’anik pa taq kub’sib’al k’u’x pa joremal ri’. K’o k’otoj tzijolinem ri’, achb’ilam ruk’ je’l taq b’ixonem q’ojomanik rech ri uq’ijol.
Eri e ajtotab’enelab’ we kakaj chakita b’a’ ri “Mingob Radio” pa le uwachwuj ub’i’ sitios web rech ri Taqawokajil Ya’olchajinem Amaq’: mingob.gob.gt y mingob.gob.gt/mingobradio. Xuquje’ pa le retal kuq’axeb’alil ri Mingob Radio, ri k’olik rech ya’talik rech kakolik pa taq le ch’aweb’al ub’i’ Android xuquje’ iPhone ri’.