Rumal xtaqixik kaq’atexik nik’aj b’anol k’ax kib’i’ “La Hacienda”, ri kakiq’axe’j b’i winaq keqam ta kiwujilal chi’ pa Iximulew rech keb’e pa Estados Unidos rech América, pa 21 rech marzo ri’ eri reqa’lenelab’ ri División Especializada rech Investigación Criminal (DEIC) rech ri Subdirección General rech Investigación Criminal (SGIC) rech ri Wokajil Ajchajin Tinamit (PNC) xkiya utzijol chi e k’o wuqub’ chi winaqil xechapik, rumal e are kab’ixik e uwinaqil jun molaj b’anol k’ax pa taq nimatinamit.
K’o juk’al rajilab’al tzukunem xb’an chi’ pa nimatinamit, pa Jutiapa xuquje’ pa K’iche’, rumal ri’ e k’o k’i uwinaqil ri molaj b’anol k’ax xechapik. Xuquje’ e k’o 23 chi winaqil e salvadoreño maj kiwujil keqam uloq xeto’ik, e k’o waqib’ keqam kiwujilal xuquje’ e k’o job’ taq ak’alab’ naj kapetib’al xeto’ik.
Eri q’atb’al tzij xkib’ij che ri nik’aj winaq e ajb’anol k’ax ub’i’ “La Hacienda” e are xkib’an ri k’ax ri’: kik’amik b’i winaq maj kiwujilal keqam, kakiq’axe’j b’i winaq keqam ta kiwujil xuquje’ xkib’an nik’aj chik b’anoj k’ax.
Utzijol ri chajinem b’anom
Eri b’anoj tzukunem ri’ are xmajtaj uloq pa 2021, chi’ k’u ri’ k’o jun winaq xub’ij uloq ri k’ax xb’an chi re kumal nik’aj winaq coyotes ri’ are chi’ xkitoq’ij $10,000.00 xuquje’ $15,000.00 chi re ri are rech ub’ixik kakik’am b’i k’a chi la’ pa Estados Unidos rech América.
Eri nik’aj molaj b’anol k’ax e are uwach taq nik’aj winaq salvadoreños, mexicanos xuquje’ e aj iximulew ri’, e are k’ut ri kakita chomapwaq rech kakiq’axe’j b’i pa awalik ri winaqil e ajq’axel rech keb’e pa le nimatinamit norteamericano ri’, ri kakikoj ri hoteles xuquje’ awan b’e q’axeb’al maj pa usaqil.