Eri tzukunelab’ rech ri División Especializada rech Investigación Criminal (DEIC), ruk’ katob’anik ri reqa’lenel chajinem rech Comisarías xuquje’ rech Unidades Especializadas rech ri Wokajil Chajin Tinamit (PNC) paq’ij ri’ 9 rech enero xkib’an jun nim tzukunem solinik pa le Rachoch ri Japache’ Tz’apib’al Achijab’, rech ri zona 18 rech pa uk’u’x nimatinamit.
Eri b’iw b’ixik kumal ajchajin tinamit xkib’ij che ri solinem tzukunik are la’ xb’an pa taq ri sectores 8 xuquje’ 11 rech ri japache’ tz’apib’al ri’, chi la’ k’ut e tz’apim wi ri uwinaqilal ri Barrio 18. Eri tzukunem solinik ri’ are xutaqij utzukuxik uriqik awan jastaq kunb’al ri’ rech kaq’atexik uwach pa taq le japache’ ri’.
Eri b’anoj q’atenik ri’ are la’ xb’antajik pa le ub’e’al ri chajinem taqom ub’anik rumal ri K’amal B’e Amaq’ Dr. Alejandro Giammattei, pa le upatanem ri Ministro rech Gobernación, David Napoleón Barrientos, rech uq’atexik ri awan jastaq kakoj pa b’anoj k’ax chi ke ri winaqil pa tinamit aj iximulew ri’. Are la’ kaya na biw b’ixik chi rij ri’.