Pa le Catedral Metropolitana xb’an we q’ij kamik, jun mixa rech Nim Matyoxinem, rumal xtz’aqat 25 ujunab’ ri Wokajil Ajchajil Tinamit (PNC), xuquje’ xb’an jun kojonem maltyoxinem pa le Dirección rech ri taqawokajil ri’.
Pa le nab’e maltyoxinem xb’an ri’ xek’oji ri q’atb’al tzij rech ri wokaj ajchajil tinamit xuquje’ reqa’lenelab’ ri jalajoj subdirecciones, comisarías xuquje’ ri unidades especiales rech ri PNC.
Pa le mixa ri’ eri patre José Luis Colmenares, xuya ub’ixk chi k’o nim upatanib’al ri kchak ri e 42 000 chi e ajchajil tinamit kakib’an ri’.
“Eri chak ri’ are sib’alaj tijowchuq’ab’ kumal e ajchajil tinamit, rech tijob’al k’ax ri’, rech jun nim k’utb’al ri’, ri qas kakib’an wi kuwenta ri’, ri ruk’ ronojel kanima’ kakib’an ri’, ruk’ ronojel kajikom kanima’ chikaj ruk’ Dios ri’”, xcha’ ri patre Colmenares ri’.
Xuquje’ xub’ij: “Kaqata b’a’ chech ri Dios eri Wokaj Ajchajil Tinamit ri’ utz ri b’e kakitaqij, rech qas kakinimaj b’a’ ri taqanem, rech sib’alaj kakito’o ri winaqilal ri’; xuki’kotirsaj kuwach ri PNC rumal ri utz chakunem tajin kakib’an kuk’ ri’ winaqil e aj iximulew, kinlinya’o nutewchi’b’al pa kiwi’ konojel ri’”, xcha’ ri patre.
Eri maltyoxinik kumal ri kojonelab’
Pa le Dirección General rech ri Wokajil Ajchajil Tinamit, pa junam kajb’al xb’an ri maltyoxinik kumal kojonelab’ ri’ rech xtaqixik umaltyoxixik chikaj rumal xopan pa 25 ujunab’ ri taqawokaj ri’.
Pa we wari’ are xek’oji ri comisarios rech ri PNC xuquje’ ri e ajchajil tinamit rech ri comisarías xuquje’ rech uk’olib’alil ya’olchajinem rech pa nimatinamit xuquje’ rech ri Dirección General ri’.
Eri pastor Ayala, xutzijoj ri utz taq k’exnik xub’an pa le kik’aslemal ri winaqilal, rech xkojotaj jun chik no’jk’aslemalil, jun chik ub’anikil, xuquje’ are xuki’kotirsaj kuwach ri b’anoj chak kumal ronojel taq q’ij.
“Eri ix man itukel taj kixwa’katik, xa’ pawje kixkiriqitaj wi eri Qajawaxel k’o uwuk’ pa ik’aslemalil, rumal ri’ rajwaxik kaqaya qib’ ruk’ ri Qatat Chikaj, k’a pa nimaq’ab’ k’a pa okib’al aq’ab’ ri’ rumal k’ut ri are k’o uwuk’ pa ronojel ri kib’an ri’”, xcha’ ri pastor.