Eri ub’ixikil xya’taj kumal ri Sección rech Expertajes ri’ rech ri Wokajil Ajchajil Tinamit (PNC), pa nimatinamit Iximulew ri’ xb’antaj k’ut 16 mil 760 chi solinem tzukunik ri’, teren b’a’ ri Xe’laju’ ruk’ 5 mil 610 ri’, te k’u ri’ Zacap ruk’ 4 mil 528 ri’, Chinab’jul ruk’ 2 mil 281 ri’ xuquje’ Petén ruk’ 1 mil 244 ri’, are la’ utzijol xuya’ ri ajpatanel ub’i’ a Otto Marroquín, ajtaqanel rech ri wokaj chajinem ri’, ri xub’ij chi pa ronojel k’ut eri rajilab’al are kopan pa 30 mil 531 ri’.
“Eri wokaj chajinem ri’ are ajilol rech ri b’anoj solinem tzukunik chi ke ri ch’ich’ xuquje’ chi ke ri kejach’ich’ ri’, eri eqa’lenel kesolin tzukun kuwach juntir ri ch’ich’ ri’, rech kakilo we qas are ri retal kajib’al keqam, rech kakiko we ri ajchaq’e qas xub’an resaxik ri uwujilal ri’”, xcha’ ri a Marroquín.
Uta’ik ri’
Jeri’ ri a Marroquín xub’ij che ri winaqi are rajwaxik kakita wari’ pa le uwach wujq’aq’nil ri’ https://expertaje.pnc.gob.gt/public/turno/create xuquje’ kakik’ut ucholajisaxik ri wujilal pa le uwach wujq’aq’nil ri’ https://expertaje.pnc.gob.gt/public/requisitos rech kakita uya’ik chi ke ri wujilal man k’ot rajil, man tojom ta ri’.
Ri sik’inem ri’
Eri Subinspector Otto Marroquín ri’, xupixb’ej ub’ixik loq chi ke ri winaqil rech xaq makiloq’ ch’ich’ jastaq pa redes sociales ri’, rech man ketaj pa kiq’ab’ elaq’omab’ e b’anol k’ax chi ke ri winaqil e aj iximulew ri’.
Eri nuk’wokom b’anoj k’ax ri’ are k’ut tajin kub’an k’ax chi ke ri winaqilal pa tinamit xuquje’ e are k’ut kakitoq’ij pwaq xuquje’ kaya ch’ich’ chi ke ri e eleq’am ri’, ri xa’ kesam rachib’al rajilab’ utzijol ri’”, xcha’ rajtaqanel ri Sección rech expertaje.
Eri 30 mil chi solin ch’ich’ ri’, e k’o 73 ch’ich’ ri’ xuquje’ e k’o kejach’ich’ e chapom kanoq pa taq ri jo’ob’ kachoch e ajchajin tinamit ri’, pa ik’ enero k’a pa we q’ij ri’.
Sib’alaj kaya ub’ixik che ri k’o nimtob’anik kub’sib’al k’u’x tajin ub’anik chi ke ri winaqilal ri’, xuquje’ k’o 780 chi wokajil chakunem rech wokom taqanelab’ Amaq’ ri’ kuk’ nik’aj chik pa le solin tzukun kitzijol ri ch’ich’ ri’.
Eri q’atb’al tzij rech e ajchajil tinamit, sib’alaj xkib’an jun nim sik’inem chi ke ri winaqilal ri’ rech kakib’an toq’ob’ kakisolij utzijol taq ri kich’ich’ xuquje’ kejach’ich’ rech man keleq’ax kirajil kipwaq ri’.